ការវិនិយោគលើរឿង ៣ មិនបាច់ភ័យខ្លាចខាតទេ បោះទុនកាន់តែធំ ចំណេញកាន់តែច្រើន
អ្នកអាចកាត់បន្ថយ និងសន្សំក្នុងរឿងជាច្រើន ប៉ុន្តែអ្នកត្រូវដឹងពីរបៀបវិនិយោគដោយឈ្លាសវៃក្នុងរឿងទាំង ៣ នេះ ដើម្បីរំពឹងថានឹងមានសុភមង្គលក្នុងវ័យចាស់។
១. វិនិយោគលើខ្លួនឯង អភិវឌ្ឍខ្លួនឯង
ការវិនិយោគលុយដើម្បីអភិវឌ្ឍខ្លួនឯង និងពង្រីកចំណេះដឹងរបស់អ្នក គឺជាការវិនិយោគដែលរកប្រាក់ចំណេញច្រើនបំផុត។ ជាងនេះទៅទៀត ការរៀនមិនមែនឱ្យតែរៀនសុទ្ធតែចេះស្ទាត់នោះទេ គឺត្រូវតែមានការអនុវត្តន៍ ទើបមានប្រសិទ្ធភាព។
ប្រសិនបើស្ថានភាពរបស់អ្នកពិតជាក្រលំបាក ឱកាសតែមួយគត់ដើម្បីចេញពីភាពក្រីក្រ គឺត្រូវតែផ្អែកលើចំណេះដឹង និងការគិតរបស់អ្នក។ បើចំណេះដឹងខ្សោយ ឱកាសនៃការរួចផុតពីភាពក្រីក្រក៏អន់ដែរ។ នោះហើយជាមូលហេតុដែលមានមនុស្សជុំវិញខ្លួនយើងជាច្រើនដែលរស់នៅដោយភាពល្ងង់ខ្លៅ ព្រោះតែរកលុយ តែមានទុក្ខ មូលហេតុគឺពួកគេមិនអាចមើលការពិតបានច្បាស់លាស់។ ប្រសិនបើអ្នកមិនមានសមត្ថភាពក្នុងការ "ដឹងទុកជាមុន" ដោយគ្មានចំណេះដឹង ដើម្បីបង្កើនតម្លៃខ្លួនឯងនោះវានឹងពិបាកសម្រាប់អ្នកក្នុងការស្វែងរកឱកាសដើម្បី "ផ្លាស់ប្តូរ" ។
២. ការវិនិយោគលើឪពុកម្ដាយ
ព្រះនឹងប្រទានពរដល់អ្នកដែលប្រព្រឹត្តអំពើល្អជានិច្ច អ្នកដែលមានចិត្តគោរពចំពោះមាតាបិតានឹងទទួលពរពីស្ថានសួគ៌។ ដូច្នេះត្រូវចំណាយប្រាក់ដើម្បីសងគុណឪពុកម្ដាយ។ មនុស្សជាច្រើនគិតថា ពួកគេមិនមានប្រាក់គ្រប់គ្រាន់សម្រាប់អាហារ និងសម្លៀកបំពាក់ ហើយជំពាក់បំណុលគេ មិនមានប្រាក់គ្រប់គ្រាន់ដើម្បីសងឪពុកម្តាយរបស់ពួកគេ។ ក៏មានអ្នកនិយាយថា លុយក្នុងផ្ទះនៅតែខ្វះខាត ហើយឪពុកម្តាយក៏និយាយដែរថា គាត់មានលុយចាយគ្រប់គ្រាន់ មិនចាំបាច់ឱ្យគាត់ទៀតទេ។
ទោះយ៉ាងណាក៏ដោយ ឪពុកម្តាយរបស់យើងបានខិតខំពេញមួយជីវិតរបស់ពួកគាត់ ខាំធ្មេញ និងស៊ូទ្រាំនឹងការលំបាកជាច្រើនដើម្បីចិញ្ចឹមយើង។ ដូច្នេះការបណ្តាក់ទុនឱ្យឪពុកម្តាយជារៀងរាល់ខែ ក៏ជារឿងដែលយើងគួរធ្វើដែរ។ ក្នុងនាមជាឪពុកម្តាយ គ្រប់គ្នាសង្ឃឹមថាកូនរបស់ខ្លួនមានអនាគតភ្លឺស្វាង មានបាន ស្ដុកស្ដម្ភ ផុតទុក្ខទាំងពួង នេះហើយជាបំណងរបស់ឪពុកម្ដាយ។
៣. វិនិយោគលើការដឹងគុណទាំងក្នុងសង្គម និងបុគ្គល
កាន់តែច្រើនដែលអ្នកផ្តល់ឱ្យក្នុងជីវិតអ្នកនឹងទទួលបានកាន់តែច្រើន។ មិនថាជីវភាពយើងក្រីក្រយ៉ាងណា ជុំវិញខ្លួនយើងតែងតែមានមនុស្សដែលលំបាកជាងយើងទៅទៀត។ ដើម្បីរស់នៅក្នុងជីវិត អ្នកត្រូវតែមានចិត្តគិតដល់អ្នកដទៃ។ ប្រជាជនក្រីក្រជាច្រើនគិតថា នៅពេលដែលពួកគេមានលុយគ្រប់គ្រាន់ ពួកគេនឹងបរិច្ចាគ ប៉ុន្តែនៅចុងបញ្ចប់នៃជីវិតរបស់ពួកគេ យើងប្រហែលជាមិនមានលុយគ្រប់គ្រាន់នោះទេ។ លុយក៏ជាវដ្តមួយដែរ បើយើងចេះផ្តល់វា នោះវានឹងត្រលប់មករកយើងវិញជាយថាហេតុ។ ការឱ្យមិនចាំបាច់មានន័យថាជាលុយ ឬសម្ភារៈនោះទេ៕
ប្រភព ៖ បរទេស / Knongsrok
ព័ត៌មានថ្មីៗ
