Brighton ឆ្លើយតបលើដេញថ្លៃលើកទីពីររបស់ Arsenal សម្រាប់តម្លៃខ្លួន Moises Caicedo
Brighton បានច្រានចោលការដេញថ្លៃលើកទីពីររបស់ Arsenal សម្រាប់ Moises Caicedo ដោយពេលនេះក្រុមកាំភ្លើងធំកំពុងពិចារណាលើការដាក់សំណើកំណត់ត្រាក្លឹបសម្រាប់ខ្សែបម្រើរូបនេះបន្ថែមទៀត។
Arsenal បានចូលទៅពិភាក្សាជាមួយ Brighton ជាមួយនឹងសំណើថ្មី និងកែលម្អឡើងវិញដែលមានចំនួន 70 លានផោនកាលពីថ្ងៃអាទិត្យ ប៉ុន្តែសំណើនេះត្រូវបាន "ច្រានចោលភ្លាមៗ" នេះបើយោងតាម Sky Sports ។ ជំហររបស់ Brighton នៅតែមិនផ្លាស់ប្តូរ ហើយខ្សែបម្រើសញ្ជាតិអេក្វាឌ័រនៅតែជាកីឡាករមិនអាចលក់បានក្នុងខែមករា។
ប្រសិនបើក្រុមមួយនេះបានទទួលយកសំណើចុងក្រោយរបស់ Arsenal សម្រាប់កីឡាករវ័យ 21 ឆ្នាំ វានឹងក្លាយជាការផ្ទេរកំណត់ត្រាក្លឹប ដោយលើសពីការលក់ 60 លានផោនរបស់ Marc Cucurella ទៅ Chelsea នៅរដូវក្តៅ។ ក្រុមកាំភ្លើងធំក៏បានដាក់សំណើ 60 លានផោនជាលើកដំបូងដើម្បីចុះកុងត្រាយក Caicedo តែត្រូវបានច្រានចោល ដែលករណីនេះបានជំរុញឱ្យកីឡាករអេក្វាឌ័រសុំអង្វរ Brighton ឱ្យគាត់ចាកចេញហើយចូលរួមជាមួយក្លិបកំពូលតារាង remier League នៅក្នុងសេចក្តីថ្លែងការណ៍មួយនៅលើប្រព័ន្ធផ្សព្វផ្សាយសង្គម។
គាត់ត្រូវបានគេប្រាប់ឱ្យនៅឱ្យឆ្ងាយពីការហ្វឹកហាត់ជាមួយក្លិបរហូតដល់ថ្ងៃផុតកំណត់នៃការផ្ទេរកាលពីថ្ងៃអង្គារបន្ទាប់ពីការបង្ហោះ Instagram របស់គាត់។ Leandro Trossard បានផ្លាស់ប្តូរ Brighton រួចហើយសម្រាប់ Arsenal នៅក្នុងទីផ្សារបច្ចុប្បន្នក្នុងកិច្ចព្រមព្រៀងដែលមានតម្លៃ 27 លានផោន។
ប្រភព៖ Sky
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
