Dani Alves ត្រូវបានចាប់ខ្លួននៅទីក្រុង Barcelona ជុំវិញការចោទប្រកាន់ពីបទរំលោភផ្លូវភេទ
ប្រភពជាច្រើនកំពុងរាយការណ៍ថា Dani Alves ត្រូវបានចាប់ខ្លួនដោយ Mossos d'Esquadra (ប៉ូលីសអេស្ប៉ាញ)ប្រចាំតំបន់កាតាឡានកាលពីថ្ងៃទី 20 ខែមករានៅទីក្រុង Barcelona ជុំវិញការចោទប្រកាន់ពីបទរំលោភផ្លូវភេទ។
យោងតាមសារព័ត៌មាន Mundo Deportivo កីឡាករសញ្ជាតិប្រេស៊ីលរូបនេះ បានបង្ហាញខ្លួននៅប៉ុស្តិ៍ប៉ូលីសក្នុងតំបន់ ដើម្បីផ្តល់សក្ខីកម្មក្នុងសំណុំរឿងនេះ។ បន្ទាប់មកគាត់ត្រូវបានចាប់ខ្លួន ហើយចេញពីស្ថានីយ៍ដោយរថយន្តប៉ូលីស។ ចៅក្រមនឹងសម្រេចថាតើ Dani នឹងបន្តឃុំខ្លួនដែរឬទេ ខណៈពេលដែលសំណុំរឿងកំពុងត្រូវបានស៊ើបអង្កេត។
ជាការរំលឹក Alves ត្រូវបានគេចោទប្រកាន់ពីបទស្ទាបអង្អែលសម្លៀកបំពាក់របស់នារី ហើយប៉ះនាងដោយមិនសមរម្យនៅក្លឹបរាត្រី Sutton ក្នុងទីក្រុង Barcelona កាលពីយប់ថ្ងៃទី ៣០ ខែធ្នូ។
អតីតកីឡាកររបស់ក្លឹប Barcelona រូបនេះធ្លាប់បានបដិសេធការចោទប្រកាន់នេះ ដោយនិយាយថាគាត់គ្រាន់តែរាំ និងមិនបានឈ្លានពានកន្លែងផ្ទាល់ខ្លួនរបស់នរណាម្នាក់ឡើយ។
ប្រភព៖ Mundo Deportivo | La Vanguardia | Relevo
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
