ពិបាកក្នុងការបត់ជើងមែនទេ? ប្រភេទអាហារដែលជាឱសថទិព្វក្នុងការពង្រឹងមុខងារប្រព័ន្ធរំលាយអាហារដែលអ្នកមិនដែលដឹងពីមុន
ប្រព័ន្ធរំលាយអាហារមិនល្អអាចបណ្តាលឱ្យមានបញ្ហាសុខភាពផ្សេងៗដូចជាឈឺក្រពះ រាគរូសនិងឬសដូងបាតជាដើម។ ការថែទាំមុខងារនៃប្រព័ន្ធរ៉លាយអាហារគឺពិតជាមានសារៈសំខាន់ណាស់ ហេតុដូចនេះហើយទើបអ្នកគួរយល់ដឹងអំពីអាហារដែលអ្នកគួរបរិភោគ៖
១. យ៉ាអួរ
យ៉ាអួរផ្សំឡើងពីប្រភេទបាក់តេរីដែលផ្តល់គុណប្រយោជន៍ដល់សុខភាព។ អ្នកគួរបរិភោគយ៉ាអួរជាប្រចាំដើម្បីជំនួយដល់ប្រព័ន្ធរំលាយអាហាររបស់អ្នកនិងជៀសវាងជំងឺផ្សេងៗ។
២. ខ្ញី
ខ្ញីត្រូវបានគេប្រើប្រាស់នៅក្នុងឱសថបុរាណតាំងពីយូរលង់ណាស់មកហើយនិងអាចព្យាបាលរោគផ្សេងៗដូចជាក្អួតចង្អោរ វិលមុខនិងទល់លាមកជាដើម។ ចូរអ្នកឧស្សាហ៍បរិភោគខ្ញីដោយចិតវាជាចំណិតតូចៗរួចបង់វាចូលទឹកក្តៅមួយកួនកែវជាប្រចាំ។
៣. ផ្លែប័រ
នរណាៗក៏ចូលចិត្តផ្លែប័រដែរដោយសារវាមានរសជាតិឆ្ងាញ់និងអាចបរិភោគជាបង្អែមឬចំអិនជាម្ហូបក៏បាន។ ក្រៅពីរសជាតិរបស់វា ផ្លែប័រក៏សម្បូរទៅដោយហ្វាយប័រ (Fiber) និងជាតិខ្លាញ់ល្អ។ វាថែមទាំងបម្លែង beta-carotene ទៅជាវីតាមីន A ថែមទៀតផង។
៤. ការ៉ុត
នៅពេលនិយាយដល់ផ្លែការ៉ុត អ្នកប្រាកដជាដឹងហើយថាវាជួយដល់សុខភាពភ្នែក ប៉ុន្តែក្រៅពីនេះវាក៏ជាប្រភពនៃហ្វាយប័រ (Fiber) ដែលជូយសម្រួលដល់ប្រព័ន្ធរំលាយអាហាររបស់អ្នកផងដែរ។
៥. ទឹកក្តៅ
គ្មានអ្វីអាចយកឈ្នះទឹកបាននោះទេ។ ការបរិភោគទឹកក្នុងបរិមាណសមស្របក្នុងមួយថ្ងៃពិតជាមានសារៈសំខាន់ណាស់ ជាពិសេសទឹកក្តៅ។ ចូរអ្នកពិសារទឹកក្តៅឲ្យយ៉ាងតិចបាន២ទៅ៣កែវជាប្រចាំដើម្បីសុខភាពប្រព័ន្ធរំលាយអាហាររបស់អ្នក៕
ប្រភព៖ បរទេស
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
