ចំណាំមើល! មនុស្សទម្លាប់រត់ទៅបន្ទប់ទឹក ២ ពេលនេះ គឺច្រើនតែសុខភាពល្អ អាយុវែង
ការចាំសង្កេតមើលពេលវេលាដែលអ្នកឧស្សាហ៍ទៅបន្ទោបង់ ក៏ជាសញ្ញាដែលបង្ហាញពីតម្រុយល្អ នៃស្ថានភាពសុខភាពរបស់អ្នកផងដែរ។ ប្រសិនជាអ្នកស្ថិតក្នុងចំណោមមនុស្ស ដែលរមែងទៅបន្ទោបង់ នៅពេលវេលាទាំង ២ ខាងក្រោម នោះអ្នកគឺជាមនុស្សមានសុខភាពល្អ អាចមានអាយុវែង៖
២) ចន្លោះម៉ោង ០៥:០០ ដល់ ៧:០០ ព្រឹក
តាមក្បួនបុរាណចិន រៀងរាល់ព្រឹកចាប់ពីម៉ោង ៥ ដល់ ៧ ព្រឹក ជាម៉ោងដែលមនុស្សមួយចំនួនងើបពីដំណេក វាជាពេលដែលពោះវៀនធំនៃរាងកាយមនុស្សចាប់ផ្តើមដំណើរការ។
ប្រសិនអ្នកមានចលនាពោះវៀន បន្ទោបង់ជារៀងរាល់ថ្ងៃនៅចន្លោះម៉ោងនេះ គឺមានន័យថា មុខងាររំលាយអាហាររបស់អ្នក គឺដំណើរការជាធម្មតា មិនមានបញ្ហាអ្វីដែលត្រូវបារម្ភទេ ហើយក៏វាបានចូលរួមបញ្ចេញជាតិពុលទៀងទាត់ផងដែរ។
ក៏ដោយសារបន្ទាប់ពីកកកុញអាហារ និងជាតិពុល ពេញមួយយប់ នោះវាដល់ពេលត្រូវបញ្ចេញចោល ហើយចន្លោះម៉ោង ៥ ទៅ ៧ ព្រឹកនេះ គឺល្អបំផុត វាក៏អាចបង្កើតលក្ខខណ្ឌសរីរាង្គផ្សេងទៀតឲ្យដំណើរការកាន់តែប្រសើរ។
១) ក្រោយការទទួលទានអាហារ ២ ម៉ោង
អ្នកខ្លះទៅ មិនបានក្រោកទាន់ពេលចន្លោះម៉ោង ៥ ទៅ ៧ ព្រឹក តែក្រោកក្រោយនោះ ហើយពួកគេស្រូតទៅ ទទួលទានអាហារភ្លាម។
វាមិនអីទេ សំខាន់ឲ្យតែក្រោយការទទួលទានអាហារ ២ ម៉ោង អ្នកចាប់ផ្តើមមានចលនាពោះវៀន ក្នុងការបន្ទោបង់ នោះក៏ជាពេលវេលាល្អដូចគ្នា។ ដោយសារតែបន្ទាប់ពីទទួលទានអាហាររួច ចលនាពោះវៀនត្រូវបានជំរុញ លាមកនឹងចាប់ផ្តើមផលិតចេញមក បន្ទាប់ពីអាហារត្រូវបានរំលាយ និងស្រូបចូលតាមពោះវៀន។
នោះពេលនេះលាមកចាស់នឹងត្រូវបង្ខំចេញ បង្កើតឲ្យអ្នកមានអារម្មណ៍ចង់បន្ទោបង់ ដូច្នេះវាក៏ជាពេលវេលាល្អមួយដែរ ប្រសិនជាអ្នកមិនបានបន្ទោបង់នៅពេលក្រោកពីគេងភ្លាម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
