ប្រយ័ត្នស៊យពេញមួយឆ្នាំ! អាហារ ៤ ប្រភេទ ហាមដាក់លើតុសែនថ្ងៃចូលឆ្នាំចិនដាច់ខាត
រៀងរាល់ឆ្នាំថ្ងៃចូលឆ្នាំចិន បងប្អូនសែស្រឡាយចិន រមែងទម្លាប់មានការរៀបចំសែនទៅតាមទំនៀមទម្លាប់តាំងពីដូនតាមក ហើយសម្រាប់ឆ្នាំ ២០២២ នេះ ថ្ងៃដកជើងធូប ចំថ្ងៃទី ២៦ រីឯថ្ងៃសែនធំ ចំថ្ងៃទី ៣១ មករា។
យ៉ាងណាមុនដល់ថ្ងៃសែនចូលឆ្នាំចិន តាមក្បួនហុងស៊ុយ គេហទំព័រ Knongsrok ក៏សូមចែករំលែកនូវចំណេះដឹង ពាក់ព័ន្ធនឹងដង្វាយលើតុ ៤ ដែលមិនត្រូវដាក់ដាច់ខាត៖
៤) ត្រីចៀន
ដាច់ខាតមិនត្រូវដាក់ដង្វាយជាត្រីចៀននោះទេ ព្រោះវាផ្ទុយពីទំនៀមទម្លាប់ប្រពៃណីចិន។ ក៏ដោយសារការថ្វាយត្រីចៀន ជាទម្លាប់ដែលគេបូជាដើម្បីដោះលែងសត្វមានជីវិត ក្នុងគោលបំណងផ្សេងទៅវិញទេ ពោលមិនមែនជាការរៀបចំសម្រាប់សែននៅថ្ងៃចូលឆ្នាំឡើយ។
៣) សាច់ទា
យោងតាមរឿងព្រេងនិទាន សាច់ទាតំណាងឲ្យសំណាងអាក្រក់ ជាទម្លាប់មនុស្សនៅដើមខែឬដើមឆ្នាំ មិនប៉ះទេម្ហូបនេះ រហូតដល់ចុងឆ្នាំទើបគេយកវាមកទទួលទាន ដើម្បីកម្ចាត់គ្រោះ។ ដូច្នេះសាច់ទា ក៏មិនណែនាំឲ្យដាក់ជាដង្វាយនៅថ្ងៃចូលឆ្នាំដែរ។
២) សាច់បក្សី
យើងមិននិយាយអំពីសាច់មាន់នោះទេ តែសំដៅទៅប្រភេទបក្សីដទៃដូចជាក្រួច ជាដើម ដោយតាមក្បួនវាមិនបាននាំសំណាងដល់ម្ចាស់ទេ ផ្ទុយទៅវិញ អាចនាំរឿងមិនល្អចូលផ្ទះ។
១) សាច់ឆ្កែ
ជាម្ហូបដែលមិនមានសំណាង ជាម្ហូបនាំគ្រោះ ប៉ះពាល់ដល់ភាពបរិសុទ្ធនៃកន្លែងគោរពបូជា។ ក្រៅពីសាច់ទាំងអស់ដូចបានបង្ហាញខាងលើ ក៏ដូចគ្នាទៅនឹងដង្វាយដូចជាសាច់ពស់ អណ្តើក ឆ្មា ខ្លា ហើយក៏មិនណែនាំឲ្យប្រើអាហារដែលមានខ្ទឹមបារាំងខ្លាំងពេក ខ្ទឹមសខ្លាំងពេកដែរ នៅលើតុដង្វាយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
