មិនមែន De Bruyne/Bruno តែ Ferdinand ថាម្នាក់នេះ ជាខ្សែបម្រើល្អដាច់គេនៅ PL
នៅលីគកំពូលអង់គ្លេស Premier League បើនិយាយពីឈ្មោះខ្សែបម្រើល្អដាច់គេនៅប៉ុន្មានឆ្នាំចុងក្រោយ ជឿថាគ្នាយើងប្រាកដជាចុចឈ្មោះ Kevin de Bruyne, N'Golo Kante, Bruno Fernandes និង Naby Keita ជាដើម។
យ៉ាងណាតាមការយល់ឃើញរបស់លោក Rio Ferdinand អតីតកីឡាករជើងចាស់នៅបិសាច បានបង្ហាញការយល់ឃើញថាផ្សេង ហើយបែរជាចុចឈ្មោះ Declan Rice យុវជនវ័យ ២២ ឆ្នាំរបស់ក្លឹប West Ham ថាល្អបំផុតទៅវិញ។
កីឡាកររបស់ក្លឹប West Ham និងស្ថិតក្រោមការដឹកនាំដោយលោក David Moyes នៅរដូវកាលនេះ គេនៅតែធ្វើបានល្អ ហើយជាប់ជាចំណែកសំខាន់ក្រុមញញួរ។ ស្ថិតិបង្ហាញខ្លួន ១៥ ប្រកួត រកបាន ៣ គ្រាប់និង Assist ៣ លើកឲ្យក្លឹប។
ប្រាប់ប៉ុស្តិ៍ BT Sport លោក Ferdinand និយាយ៖ "Rice គេកំពុងក្លាយជាខ្សែបម្រើដ៏ល្អដាច់គេមួយប្រចាំលីគកំពូលប្រទេសមួយនេះ គេអាចគ្រប់គ្រងការប្រកួត ហើយជាក់ស្តែងដូចកាលនៅ Euro កន្លងទៅ ក៏គេធ្វើបានល្អដែរ"។
លោកបន្ត៖ "រីឯរបៀបដែលគេផ្លាស់ប្តូរការប្រកួត ដូចកាលប៉ះ Newcastle នាដើមរដូវកាល គឺពិតជាអស្ចារ្យ គេនឹងនៅតែបន្តការលេងដ៏ល្អជាងហ្នឹងបន្ថែមទៀត"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
