មួម៉ៅហើយ! មេធំ PSG ចង់ទៅតវ៉ា FIFA ជាបន្ទាន់ រឿងបញ្ហានេះរបស់ Messi
កំឡុងពេលវេលានេះ គឺឈានដល់ការប្រកួតនៅជម្រើសជាតិ ដែលមានន័យថា ជា International Break ហើយសម្រាប់កីឡាករភាគច្រើន ត្រូវដកឃ្លាពីការលេងឲ្យក្លឹប មកលេងឲ្យជម្រើសជាតិជិតពីរសប្តាហ៍។
យ៉ាងណាទៅមើលជម្រើសជាតិអាហ្សង់ទីនដឹកនាំដោយគ្រូបង្គោលលោក Lionel Scaloni នៅប្រកួតពីរខាងមុខ ត្រូវប៉ះអ៊ុយរុយហ្គាយ និងប្រេស៊ីល ក៏បានកោះហៅឈ្មោះ Lionel Messi ផងដែរ ទាំងដែលគេកំពុងជួបបញ្ហារបួសនៅប៉ុន្មានសប្តាហ៍មុន។
កីឡាករវ័យ ៣៤ ឆ្នាំ កំពុងសម្រាកព្យាបាលរបួស និងមិនទាន់ជាសះស្បើយស្រួលបួលនៅឡើយ ហើយថែមទាំងខកខានមិនអាចជួយ PSG លេងតទល់ RB Leipzig នៅ UCL និង Bordeaux នៅ Ligue 1 កន្លងទៅ។ ពាក់ព័ន្ធនឹងការដែលគ្រូអាហ្សង់ទីននៅតែកោះហៅកីឡាករ ដែលទើបតែជួបរបួសបែបនេះ ក៏ត្រូវបានលោក Leonardo នាយកបច្ចេកទេសក្លឹប PSG បង្ហាញការមិនពេញចិត្តជាខ្លាំង។
លោក Leonardo ប្រាប់សារព័ត៌មាន Le Parisien ថា៖ "យើងមិនយល់ព្រមក្នុងការអនុញ្ញាតឲ្យកីឡាករចាកចេញទៅជួយជម្រើសជាតិនោះទេ ទាំងដែលគេមិនអាចជួយក្រុមរបស់យើងផង ហើយមិនទាន់ជាសះស្បើយពីរបួស ជារួមទៅរឿងនេះវាអត់ប្រយោជន៍ ស្ថានភាពបែបនេះខាងយើងនឹងទៅជជែកជាមួយ FIFA ដើម្បីរកដំណោះស្រាយ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
