អស់ពី Conte ទៅ លឺថាគ្រូម្នាក់នេះចរចាផ្ទាល់មាត់ត្រូវរ៉ូវហើយ ដោយចាំតែថ្ងៃ Ole ចុះចេញទេ
អ្នកចាត់ការលោក Antonio Conte បានសម្រេចពីអនាគតរបស់ខ្លួន ដោយផ្ទេរទៅដឹកនាំក្លឹប Tottenham Hotspur ដ្បិតបើរយៈពេលចុងក្រោយ មានចចាមអារ៉ាមកៀកនឹងមកដឹកនាំក្លឹប Man Utd បន្តពីលោក Ole Gunnar Solskjaer ក៏ដោយ។
យ៉ាងណានេះពុំមានន័យថា ស្ថានភាពកៅអីរបស់ Solskjaer នឹងន ១០០ ភាគរយនោះទេ ដោយលោកនៅតែប្រឈមហានិភ័យអាចត្រូវបានក្លឹបដកតំណែង ទំនងជានៅពេលវេលា International Break ចន្លោះពេលជិត ២ សប្តាហ៍នេះ ឬហៀរចូលដល់ក្រោយប្រកួតទល់ Watford រួចរាល់។
បើតាមសារព័ត៌មាន Caughtoffside ចុះផ្សាយថា ក្រុមបិសាចក្រហមក៏បានចរចាផ្ទាល់មាត់ត្រូវរ៉ូវគ្នាហើយជាមួយបេក្ខភាពដ៏សំខាន់មួយ នោះគឺលោក Brendan Rodgers ជាគ្រូបច្ចុប្បន្ននៅក្លឹប Leicester City ក្នុងការត្រៀមក្លាយជាអ្នកចាត់ការនៅក្លឹប Man Utd ប្រសិនតំណែងរបស់ Ole ត្រូវអស់នៅពេលដ៏ខ្លីខាងមុខ។
គួររំឭកថាបុរសវ័យ ៤៨ ឆ្នាំ បាននឹងកំពុងដឹកនាំ Leicester ធ្វើបានល្អគួរសម ហើយក៏ធ្លាប់មានបទពិសោធន៍ក្រាស់ក្រែលផងដែរ នៅអាជីពជាអ្នកចាត់ការ។ សុពលភាពកុងត្រារបស់អ្នកចាត់ការសញ្ជាតិអៀរឡង់ត្រូវផុតនៅចុងខែមិថុនា ឆ្នាំ ២០២៥ ដូច្នេះប្រសិន United ចង់បាន ក៏ត្រូវតែចំណាយលុយផ្តាច់កុងត្រាមួយផ្នែកផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
