មនុស្សកាន់តែចាស់ កាន់តែត្រូវយល់ឱ្យច្បាស់ពីជីវិត ហើយក៏មានរឿងជាច្រើន ដែលអ្នកគួរតែគិត និងឈ្វេងយល់បន្ថែមឱ្យកាន់តែច្រើន
មនុស្សកាន់តែចាស់ កាន់តែត្រូវយល់ឱ្យច្បាស់ពីជីវិត ហើយក៏មានរឿងជាច្រើន ដែលអ្នកគួរតែគិត និងឈ្វេងយល់បន្ថែមឱ្យកាន់តែច្រើន
➡️ មើលមិនឃើញ កាត់បន្ថយអត្តសញ្ញាណ
អ្នកមិនចាំបាច់ធ្វើជាមនុស្សសំខាន់គ្រប់ទីកន្លែង ចេះដឹងគ្រប់រឿងគ្រប់ពេលនោះទេ។ អ្នកគួរតែកាត់បន្ថយការទើស ធ្វើជាមើលមិនឃើញខ្លះក៏ល្អដែរ មានរឿងជាច្រើន អ្នកគួរតែចេះព្រលែង ដើម្បីឱ្យមនុស្សក្បែរខ្លួនអ្នក គេធ្វើម្ដងហើយ ហើយខ្លួនអ្នកផ្ទាល់ ក៏បានសម្រាកកាយ សម្រាកខួរក្បាលខ្លះដែរ អ្នកមិនអាចគិតតែឯង គ្រប់រឿង ហើយក៏មិនអាចរ៉ាប់រង នឹងធ្វើរឿងជាច្រើន តែម្នាក់ឯងរហូតនោះដែរ។
➡️ ប្រតិបត្តិព្រះធម៌ កុំធ្វើកម្មផល
ភាពមិនវង្វេងងប់ងល់ជាមួយនឹងពិភពខាងក្រៅ គឺការដែលអ្នកចេះសមាធិ ប្រតិបត្តិធម៌ គ្រប់គ្រងពីចិត្តខាងក្នុង ដើម្បីបញ្ឈប់ការធ្វើរឿងមិនល្អ ឬបង្កកម្មផលផ្សេងៗទៀត។
➡️ រៀនរួសរាន់ឡើង
វ័យកាន់តែចាស់ អាយុក៏ចេះតែកើនពីមួយឆ្នាំទៅមួយឆ្នាំ ដូច្នេះមានរឿងច្រើនណាស់ដែលអ្នកត្រូវធ្វើ មិនអាចយឺតយ៉ាវ ឬពន្យារពេលបន្តទៀតបានឡើយ ដូច្នេះហើយ អ្នកត្រូវតែចេះប្រញាប់ប្រញាល់ រួសរាន់ឡើង ដើម្បីធ្វើរឿងមួយចំនួន ព្រោះពេលវេលានេះ មិនចាំយើងឡើង។
➡️ មើលមនុស្សដោយបេះដូង មិនមែនមាត់នោះទេ
រៀនមើលមនុស្សដែលនៅជុំវិញខ្លួន ដោយភាពវិជ្ជមាន មើលមនុស្សដោយប្រើបេះដូង និងចិត្តពីខាងក្នុង ទើបយើងអាចមើលឃើញពីភាពល្អ ឬអាក្រក់យ៉ាងពិតប្រាកដរបស់គេ។ កុំមើលនរណាម្នាក់ តាមរយៈរូបភាព ឬរូបរាងខាងក្រៅ ក៏មិនត្រូវមើលគេ ព្រោះតែការស្ដាប់ឮតាមរយៈពាក្យសម្ដីរបស់អ្នកដទៃនោះឡើយ គឺមើលដោយបេះដូង គំនិត ចិត្តខាងក្នងរបស់យើងខ្លួនឯង។
➡️ បញ្ឈប់ចិត្តគំនិតច្រណែន ឈ្នានីស ការបៀតបៀន រៀនបើកចិត្ត មានចិត្តល្អឱ្យបានច្រើន
អាត្មានិយម មិនមែនជាសុភមង្គលពិតឡើយ។ ការច្រណែនឈ្នានីស និងការបៀតបៀនអ្នកដទៃ ក៏មិនបាននាំឱ្យយើងជោគជ័យដុះដាលធំក្នុងជីវិតដែរ។ មានតែអំពើល្អ សេចក្ដីល្អ ទឹកចិត្តដ៏បវរទេ ដែលអាចជួយឱ្យយើងឆ្លងផុតទុក្ខទាំងឡាយ ជីវិតមានភាពសប្បាយ រីករាយ និងសុភមង្គលពិតប្រាកដ។
➡️ ពិភពឯកជន គឺជារឿងសំខាន់
ផ្ដល់កន្លែងមួយសម្រាប់ខ្លួនអ្នក និងអ្នកដទៃ ផ្ដល់សេរីភាពទាំងកាយ និងចិត្តចំពោះមនុស្សជុំវិញខ្លួន យើងត្រូវការសេរីភាពចំពោះខ្លួនឯង អ្នកដទៃ សូម្បីតែមនុស្សដែលជាដៃគូរបស់យើង ក៏គេត្រូវការភាពឯកជនចំពោះជីវិតរបស់ខ្លួនគេដែរ ដូច្នេះហើយ កុំទៅជ្រៀតជ្រែក ចង់ដឹងភាពឯកជនរបស់គេពេក។
➡️ ជីវិតកាន់តែសាមញ្ញ ក៏កាន់តែមានតម្លៃ និងមានក្ដីសុខ
ភាពឡូយឆាយ ហ៊ឺហា វាគ្រាន់តែជាការសម្ដែង ដើម្បីសម្ញែងបង្អួតភ្នែកអ្នកដទៃ ឱ្យគេមើលមកគិតថាយើងនេះហំហានតែប៉ុណ្ណោះ ប៉ុន្តែធាតុពិតមែនទែនទៅ ជីវិតកាន់តែសាមញ្ញ កាន់តែមានក្ដីសុខ រស់នៅក្នុងពិភពធម្មតា នឹងកាន់តែមានតម្លៃ។
➡️ ភាពសប្បាយរីករាយ គ្មានដែនកំណត់
ជីវិតនេះ យើងត្រូវធ្វើការ ហត់នឿយខ្លាំងណាស់ ជួបរឿងត្រូវគិតក៏ច្រើនដែរ ដែលធ្វើឱ្យយើងកាន់តែតានតឹង តែយ៉ាងណា គួរតែចេះបន្ធូរអារម្មណ៍ កុំស្មុគស្មាញពេក ភាពរីករាយនៃជីវិតនេះ មានច្រើនណាស់ សេចក្ដីសុខគ្មានដែកំណត់ទេ ដូច្នេះ គួរតែចេះសោយសុខក្នុងជីវិតឱ្យបានច្រើន។
➡️ គ្មានអតីតកាល ក៏មិនដឹងអនាគត
បច្ច័យ គឺពេលដកដង្ហើម មិនដុតបច្ចុប្បន្ន។ នៅចំពោះមុខយើង គឺសំខាន់បំផុត គ្មាននរណា ឬគ្មានអ្វីសំខាន់ជាងនេះទៀតនោះឡើយ។ ដូច្នេះហើយ ត្រូវហ៊ានទទួលយកអតីតកាល ទោះល្អអាក្រក់យ៉ាងណា ក៏វាបានកើតឡើងក្នុងជីវិតយើងដែរ យកវាមកប្រើ ដើម្បីឆ្ពោះទៅរកអនាគតមួយដ៏ល្អឡើងវិញ។
➡️ គ្រប់យ៉ាង មិនមែនជាកម្មសិទ្ធិយើងទេ
ឯករាជ្យ មិនគ្រប់គ្រង មិនត្រួតត្រា ចូរគោរពគ្នាទៅវិញទៅមក ជួយគ្នាទៅវិញទៅមក។ មិនថាមិត្តភក្តិ ឬដៃគូជីវិត សូម្បីតែជីវិតយើងខ្លួនឯងនេះ ក៏មិនដឹងថា ត្រូវគេយកទៅវិញនៅពេលណានោះដែរ ដូច្នេះហើយ ត្រូវចេះព្រលែងចោលខ្លះ កុំព្យាយាមឱបក្រសោបអ្វីទុកខ្លួនឯង យើងមិនអាចគ្រប់គ្រងគ្រប់យ៉ាងបានឡើយ ថ្ងៃណាមួយ គឺគង់តែរសាត់បាត់ទៅដោយមិនដឹងខ្លួន។
➡️ កំហឹង និងការស្អប់ ជាសេចក្ដីទុក្ខនៃជីវិត
កុំចំណាយពេលទៅខឹងស្អប់អ្នកណាអី អ្វីៗមិនទៀងឡើយ បើបែកគ្នាហើយ គួរតែឆាប់ៗអត់ទោស បើចប់គ្នាហើយ គួរតែចេះព្រលែង បើបន្តខឹងស្អប់គ្នា វានឹងរឹតតែវេទនាផ្លូវចិត្តរឹតតែខ្លាំង។
➡️ អ្វីៗគ្រប់យ៉ាង អាចកើតឡើងបានគ្រប់ពេល
មានរឿងជាច្រើនដែលយើងនឹកស្មានមិនដល់ ហើយវាក៏នឹងកើតឡើងនៅថ្ងៃណាមួយ ដូចនេះហើយ អ្វីដែលយើងអាចធ្វើបាន គឺពង្រឹងផ្លូវចិត្ត និងស្មារតីខ្លួនឯងឱ្យបានល្អ រក្សាគោលជំហឱ្យនឹងន ហើយព្រមប្រឈមមុខ ទទួលយកគ្រប់យ៉ាងទាំងអស់ មិនថាល្អអាក្រក់ សមបំណង ឬយ៉ាងណានោះទេ យើងត្រូវតែរឹងមាំឡើង។
➡️ អ្នកមិនចាំបាច់យល់គ្រប់យ៉ាង
មានរឿងជាច្រើន ដែលយើងគួរតែរៀនធ្វើល្ងង់ខ្លះក៏មិនអីដែរ មិនបាច់យល់គ្រប់រឿង គ្រប់យ៉ាងពេកទេ ព្រោះពេលខ្លះ ការដែលយើងធ្វើចេះ ចង់ដឹង ចង់ឮច្រើពេក គឺមានតែនាំសេចក្ដីទុក្ខត្រឡប់មកវិញតែប៉ុណ្ណោះ៕
អត្ថបទ ៖ pHknongsrok / ក្នុងស្រុករក្សាសិទ្ធិ
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖
Tel:
ព័ត៌មានថ្មីៗ
