ស្ម័គ្រស្មោះណាស់! Conte ចាំដល់នាទីចុងក្រោយ អុតឱកាសផ្ទេរទៅក្លឹបនេះ មុនជ្រើសយក Spurs
តាមថាលោក Antonio Conte មិនបានដាក់គោលដៅអាទិភាពនឹងមកដឹកនាំក្លឹប Tottenahm Hotspur នោះទេ ផ្ទុយទៅវិញគឺជាក្លឹបរួមលីគ PL មួយផ្សេងទៀត បើតាមស្ថានភាពនិងសំណើចុងក្រោយដែលលោកទទួលបាន។
បញ្ជាក់ថា គ្រូសញ្ជាតិអ៊ីតាលី លោកបានទំនេរជើងតាំងពីរដូវក្តៅ ហើយទើបតែមកដល់ប៉ុន្មានថ្ងៃកន្លងទៅនេះ Conte បានព្រមព្រៀងការផ្ទេរមកដឹកនាំក្លឹប Tottenham Hotspur ក្រោយពីការដកតំណែងអ្នកចាស់លោក Nuno Espirito។
បើតាមការឲ្យដឹងពីអ្នកសារព័ត៌មានលោក Roberto Gotta បាននិយាយថា ខ្ញុំយល់ពីស្ថានភាពរបស់ Conte លោកបានរង់ចាំដល់ដំណាក់កាលចុងក្រោយ ពីសំណើរបស់ Man Utd ព្រោះលោកពេញចិត្តលើប្រព័ន្ធកីឡាកររបស់ក្លឹបបិសាចក្រហមជាង។
តែយ៉ាងណា Man Utd រយៈពេលចុងក្រោយរាងល្អវិញ ហើយតំណែងរបស់ Ole Gunnar Solskjaer ក៏មិនត្រូវបានដកចោលនោះដែរ។ ប៉ុន្តែការជ្រើសរើសនេះ អាចថាត្រូវពាក់កណ្តាលប្រឈមហានិភ័យពាក់កណ្តាល ព្រោះអី បើទៅដឹកនាំ United គឺនឹងដឹងតែអាចឈ្នះពានរង្វាន់ ខុសពីនៅ Spurs គឺលោកត្រូវការរៀបក្រុម យ៉ាងហោចណាស់ក៏ចូលរដូវកាលក្រោយដែរ ទើបឃើញផ្លែផ្កាខ្លះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
