ប៉ះរលាក! R.Madrid ត្រៀមចងជើងគ្រាប់ពេជ្រមួយរូប នៅតម្លៃផ្តាច់កុងត្រា ១ ពាន់លានអឺរ៉ូ
ក្លឹបស្តេចស Real Madrid ត្រូវបានគេរាយការណ៍ថា កំពុងចង់ផ្តល់កុងត្រាថ្មីសម្រាប់កីឡាករសំខាន់នៅតំណែងប្រយុទ្ធ នោះគឺយុវជនប្រេស៊ីល Vinicius Junior។ ក្លឹបមានមូលដ្ឋានក្នុងទីក្រុង Madrid ប្រទេសអេស្ប៉ាញ ចង់បន្តកុងត្រាថ្មីឲ្យគេ ហួសពីកុងត្រាបច្ចុប្បន្នដល់ឆ្នាំ ២០២៨ ឯណោះ។
បញ្ជាក់ថា សម្រាប់កីឡាករវ័យ ២១ ឆ្នាំ បច្ចុប្បន្នគេជាប់កុងត្រានៅ Madrid ដល់ចុងខែមិថុនា ឆ្នាំ ២០២៥។ ស្ថិតិជារួម គេបង្ហាញខ្លួន ១៣៤ ប្រកួត រកបាន ២៣ គ្រាប់និង Assist ៣០ លើក។
បើតាមសារព័ត៌មាន ABC បានចុះផ្សាយ គឺ Real ចង់តកុងត្រាឲ្យ Vinicius លើកុងត្រាចាស់ ៣ ឆ្នាំបន្ថែម ពោលដល់ចុងខែមិថុនា ឆ្នាំ ២០២៨។ ប៉ុន្តែអ្វីដែលសំខាន់គឺក្នុងកិច្ចព្រមព្រៀងនោះ ស្តេចសដាក់តម្លៃផ្តាច់កុងត្រាដល់កីឡាករប្រេស៊ីល ១ ពាន់លានអឺរ៉ូឯណោះ។
ប្រភពបន្តថា ក្នុងចន្លោះកុងត្រារយៈពេល ៦ ឆ្នាំសម្រាប់ Vinicius គេក៏ទទួលបានប្រាក់ឈ្នួល ៨ លានអឺរ៉ូ/ឆ្នាំផងដែរ៕ ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
