ក្រុម ៤ នេះគេជិះសេះព្រលែងដៃហើយ ២ ជុំទៀតអត់ចាំបាច់ឈ្នះក៏បានឡើងដែរ
នៅការប្រកួតពានរង្វាន់អឺរ៉ុប UEFA Champions League បានឆ្លងផុតជុំទី ៤ ហើយសម្រាប់វគ្គចែកពូល ដោយយើងក៏បានរកឃើញជាបណ្តើរៗហើយដែរ ជុំវិញឈ្មោះក្រុមដែលមានកៅអីឡើងទៅកាន់វគ្គបន្ទាប់ ដោយធានា ១០០ ភាគរយ ដ្បិតសល់ ២ ជុំទៀតក្តី។
ក្នុងនោះរួមមានដូចជានៅពូល B មានក្លឹបឈរចំណាត់ថ្នាក់កំពូល Liverpool ដោយមាន ១២ ពិន្ទុ បន្ទាប់ពីឈ្នះទាំង ៤ ហើយទើបតែយកឈ្នះទៅលើ Atletico Madrid ២-០ នៅទាបភ្លឺថ្ងៃព្រហស្បតិ៍នេះ។
រីឯនៅពូល C មានក្លឹប Ajax ដែលរដូវកាលនេះ ធ្វើបានល្អខ្លាំង ដោយមាន ១២ ពិន្ទុដូចគ្នា ហើយរកបានដល់ ១៤ គ្រាប់និងទើបតែរបូត ២ គ្រាប់ប៉ុណ្ណោះ។ ២ ជុំចុងក្រោយពួកគេត្រូវប៉ះ Sporting CP និង Besiktas។
ចំណែកឯពូល E មាន Bayern Munich ក៏ទទួលបាន ១២ ពិន្ទុពេញផងដែរ ដូចគ្នាទៅនឹងពូល H ដែលមានក្លឹបសេះបង្កង់ Juventus ដែលឈ្នះទាំង ៤ ដ្បិតបើគ្មាន Cristiano Ronaldo ដែលជាកីឡាករឆ្នើម ទើបចាកចេញកាលពីរដូវក្តៅ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
