Messi ចុចឈ្មោះក្លឹប ៧ សង្ឃឹមលើកពាន UCL មានក្លឹបអេស្ប៉ាញមួយ តែអត់ Barcelona
Lionel Messi បានបង្ហាញការយល់ឃើញពាក់ព័ន្ធនឹងក្លឹបទាំង ៧ ដែលសង្ឃឹមខ្ពស់អាចលើកពាន UEFA Champions League រដូវកាលនេះ ដោយរួមមានទាំងក្លឹប PSG តែក្លឹបផ្សេងឯទៀតគ្មាន Barcleona ដែលជាអតីតក្លឹបចាស់នោះទេ។
តាមពិតទៅបច្ចុប្បន្នយើងរកបានក្លឹប ៤ ហើយ ដែលធានាកៅអីទៅកាន់វគ្គបន្ទាប់ ១៦ ក្រុម ដោយមាន Bayern Munich, Liverpool, Ajax និង Juventus។ តែយ៉ាងណា Messi និយាយបែបនេះថា៖ "ខ្ញុំគិតថាពាន UCL ជាគោលដៅធំបំផុតរបស់ខ្ញុំនិងក្លឹបទាំងមូល"។
លោកបន្ត៖ "ពួកគេកំពុងសម្លឹងចង់បានពាន Champions League ដែលកន្លងមកក៏កៀកជិតហើយដែរ ជារួមយើងជាគោលដៅអាទិភាពមួយ តែមិនមែនជាក្លឹបតែមួយទេ ដែលសង្ឃឹមខ្ពស់សារនេះ ដោយក៏មានក្លឹបដទៃទៀត ខិតខំច្រើនឆ្នាំមកហើយ គួបផ្សំពួកគេចុះហត្ថលេខាយកបានកីឡាករល្អៗផង តួយ៉ាងគឺ Man Utd, Man City, Bayern Munich, Liverpool, Atletico និង Chelsea"។
គួរបញ្ជាក់ថា ការប្រកួតពាន UCL បានកៀកនឹងឈានចូលមកដល់វគ្គ ១៦ ក្រុមហើយ ដោយនៅសេសសល់តែ ២ ជុំទៀតប៉ុណ្ណោះ មុនបញ្ចប់វគ្គចែកពូល។ កាលពីរដូវកាលចាស់ក្រុមដែលជាម្ចាស់ជើងឯកគឺ បានទៅលើក្លឹបតោខៀវ Chelsea៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
