ល្មមកក់ក្តៅចិត្ត! ក្លឹប Spurs ដាក់កញ្ចប់លុយធំប៉ុណ្ណេះ ទុកឲ្យ Conte ចាយទិញកីឡាករ
ក្លឹប Tottenham Hotspur បន្ទាប់ពីដកតំណែងលោក Nuno Espirito គឺក្លឹបមានភាគរយច្រើន អាចនឹងយកលោក Antonio Conte ដែលជាគ្រូកំពុងទំនេរជើងឲ្យមកចូលដឹកនាំជំនួស។ យ៉ាងណាបើតាមរបាយការណ៍ពី MailOnline ចុះផ្សាយថា ខាងក្លឹប Spurs ក៏បានត្រៀមលុយធំសម្រាប់ Conte ឲ្យចាយវាយម៉ាសប្បាយដៃផងដែរ។
ប្រភពបានឲ្យដឹងថា Conte នឹងទទួលបានកុងត្រារយៈពេល ១៨ ខែ ជាមួយប្រាក់ឈ្នួលប្រមាណ ១៣ លានផោន អមនឹងប្រាក់ឧបត្ថម្ភផ្សេងៗ គឺចូលជិត ២០ លានផោនដែរ។
រីឯខ្ទង់ចំណាយក្លឹបត្រៀមផ្តល់ឲ្យនោះ គឺមានដល់ទៅ ១៥០ លានផោនឯណោះ ដែលគ្រូអ៊ីតាលី ស្រលាញ់កីឡាករណាអាចយកកីឡាករហ្នឹងមកបាន ឲ្យតែគិតថាសក្តិសមអាចជួយក្រុមទទួលបានភាពល្អប្រសើរឡើងវិញបាន។
គួរបញ្ជាក់ថា Spurs ក្រោមការដឹកនាំរបស់ Nuno កន្លងមក គឺដូចជាដើរថយក្រោយអ៊ីចឹង ដោយ ១៧ ប្រកួត ឈ្នះ ៩ ស្មើ ១ ចាញ់ដល់ទៅ ៧។ ចំណាត់ថ្នាក់របស់ Spurs នៅ PL បានធ្លាក់ដល់លេខ ៩ មានតែ ១៥ ពិន្ទុ ចាញ់ក្រុម Top 4 ដល់ទៅ ៥ ពិន្ទុ ហើយបរាជ័យធ្ងន់ធ្ងរគឺចាញ់ Man Utd ៣-០ ក្នុងទឹកដីខ្លួនឯង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
