រូបភាពកូនភ្លោះ Ronaldo នាំមុខ Messi ហើយ តែនៅចាញ់រូបភាពមួយសន្លឹកនេះក្នុងលោក
កាលពីថ្ងៃសុក្រកន្លងទៅ តារាឆ្នើម Cristiano Ronaldo បានប្រកាសជាសាធារណៈលើ Instagram ថា លោកត្រៀមនឹងទទួលបានកូនភ្លោះ ២ នាក់ទៀតហើយ ដែលនាំឲ្យកូនក្នុងបន្ទុករបស់លោកសរុបឡើងដល់ ៦ នាក់។
រូបភាពមួយសន្លឹកដែលចែកចាយលើគណនីរបស់ Cristiano Ronaldo ត្រឹមតែរំលងជាងមួយថ្ងៃ ក៏បានកើនដល់ជាង ២៩ លាន Likes នេះបើគិតត្រឹមម៉ោង ១២ រសៀល ថ្ងៃទី ៣០ តុលា ឆ្នាំ ២០២១។
តួលេខនេះបានរុញឲ្យ Ronaldo ក្លាយជាអត្តពលិកដំបូងក្នុងលោក ដែលបង្ហោះរូបភាពមានគេចុច Like ច្រើនបំផុតលើបណ្តាញសង្គមយក្ស Instagram។ វាបាននាំមុខទៅលើរូបភាពចាស់របស់ Lionel Messi ដែលបង្ហោះកាលពីប៉ុន្មានខែមុន ជុំវិញការកាន់ពាននៅជម្រើសជាតិលើកដំបូងបង្អស់ Copa America 2021 គេទទួលបានតែជិត ២២ លាន Likes ប៉ុណ្ណោះ។
នេះ Ronaldo អាចយកឈ្នះទៅលើ Messi តែលោកមិនទាន់អាចក្លាយជាបុគ្គលក្នុងលោក ដែលអាចបង្ហោះរូបភាពមានគេចុច Like ច្រើនបំផុតនៅឡើយ។ ដោយកីឡាករព័រទុយហ្គាល់ នៅចាញ់គណនី World_record_egg ដែលបង្ហោះរូបស៊ុតកាលពីដើមខែមករា ឆ្នាំ ២០១៩ មានការចុច Likes ជាង ៥៥ លានដងឯណោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
