ឲ្យតែបានតំណែង ដឹងតែទិញម្នាក់នេះហើយ Conte មើលឃើញកីឡាករតម្លៃ ៣០ លានអឺរ៉ូម្នាក់រួចស្រេច
លោក Antonio Conte នៅរយៈពេលចុងក្រោយ ល្ហិចល្ហៀងថាអាចជានឹងចូលជំនួសតំណែងអ្នកចាត់ការលោក Ole Gunnar Solskjaer នៅក្លឹប Man Utd បន្ទាប់ពីគ្រូសញ្ជាតិន័រវេស ដឹកនាំក្រុមបង្កើតលទ្ធផលមិនបានល្អនៅប៉ុន្មានប្រកួតចុងក្រោយ។
យ៉ាងណាបើតាមការចុះផ្សាយរបស់សារព័ត៌មាន Inter Live បានឲ្យដឹងថា បុរសសញ្ជាតិអ៊ីតាលី បានដាក់គោលដៅនូវកីឡាករដែលខ្លួនចង់បានជាបណ្តើរៗហើយ ដោយក្នុងចំណោមនោះគឺមានខ្សែការពារកណ្តាល Stefan de Vrij ធ្លាប់ជាអតីតកូនក្រុមកាលនៅក្លឹប Inter Milan។
កីឡាករវ័យ ២៩ ឆ្នាំ គេសេសសល់កុងត្រាដល់ចុងខែមិថុនា ឆ្នាំ ២០២៣ ហើយនៅរដូវកាលនេះ ក៏បន្តជាចំណែកសំខាន់របស់ Inter ដោយរកបាន ១ គ្រាប់ នៅការបង្ហាញខ្លួនសរុប ១៣ ប្រកួត។ តាមហាងឆេងថ្លៃខ្លួន កីឡាករហូឡង់អាចថ្លៃល្បាក់ ៣០ លានអឺរ៉ូ ឬជាង ២៥ លានផោន។
ការចង់បាននេះ តាមដឹងគឺលោកចង់យកមកលេងនៅតំណែងរបស់ Harry Maguire ដោយ Conte មើលទៅមិនជាទុកចិត្ត ឬជឿជាក់លើកីឡាករលេងការពារក្រោមរបស់ United បច្ចុប្បន្ននេះទាល់តែសោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
