Neymar ប្រាប់ឲ្យ PSG ចូលប្រជែង Liverpool ដណ្តើមយកកីឡាករនៅ PL ម្នាក់
បើតាមរបាយការណ៍ចុងក្រោយចុះផ្សាយថា ក្លឹបបារាំង Paris Saint-Germain កំពុងបង្ហាញការចាប់អារម្មណ៍ទៅលើកីឡាករលេងតំណែងស្លាបនៅក្លឹប Leeds United ដែលជាកីឡាករ Neymar មានការស្រលាញ់ពេញចិត្តដូចគ្នា។
នោះគឺកីឡាករវ័យ ២៤ ឆ្នាំ Raphinha ដែលគេបានក្លាយជាចំណែកសំខាន់ក្រោមការដឹកនាំរបស់លោក Marcelo Bielsa ហើយនៅរដូវកាលនេះ រកបាន ៣ គ្រាប់ហើយឲ្យក្លឹប។ យ៉ាងណាភ្នាក់ងាររបស់កីឡាករប្រេស៊ីលខាងលើ គឺលោក Deco ក៏ធ្លាប់និយាយដែរថា Raphinha មានក្លឹប Liverpool ចរចាចង់បាន។
ពេលនេះក្លឹបបារាំង Paris Saint-Germain កំពុងចូលប្រជែងជាមួយ Liverpool ហើយ លើការចង់បាន Raphinha តែមិនច្បាស់ថា កីឡាករគេព្រមផ្ទេរមកឬអត់ទេ គ្រាន់ថាបើផ្ទេរទៅហង្សគឺបានលេងជាមួយ Roberto Firmino តែបើផ្ទេរទៅ PSG គឺបានលេងជាមួយ Neymar ក៏ដូចជាមិត្តរួមសញ្ជាតិមួយចំនួនផ្សេងទៀតផងដែរ។
គួរបញ្ជាក់ថា Raphinha ជាប់សុពលភាពកុងត្រាជាមួយក្លឹប Leeds ដល់ចុងខែមិថុនា ឆ្នាំ ២០២៤។ បើតាមហាងឆេងថ្លៃខ្លួនរបស់គេ គឺអាចថ្លៃប្រមាណ ៣២ លានអឺរ៉ូ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
