Neymar សរសើរមិត្តរួមក្រុម PSG ម្នាក់ថាលេងល្អ ដូច Xavi និង Iniesta
ខ្សែប្រយុទ្ធនៅក្លឹប Paris Saint-Germain គឺកីឡាករ Neymar Jr បានបង្ហាញការយល់ឃើញពីឈ្មោះមិត្តរួមក្រុម ដែលអាចប្រដូចទៅនឹងសមត្ថភាពរបស់ Xavi Hernandez និង Andres Iniesta។
នោះគឺខ្សែបម្រើ Marco Veratti ដែលសូម្បីតែ Leo Messi កន្លងមក ក៏សរសើរគេផងដែរ ហើយអះអាងថាក្លឹប Barcelona ក៏ធ្លាប់ចង់ចរចាទិញយកកាលពីអតីតកាលដូចគ្នា។ មកមើលការយល់ឃើញរបស់ Neymar ឯណេះវិញ និយាយថា៖ "ខ្ញុំមើលឃើញថា Veratti គេជាកីឡាករដ៏អស្ចារ្យមួយ ដើមឡើយខ្ញុំមិនចាប់អារម្មណ៍គេទេ តែក្រោយមកទើបដឹង គេជាខ្សែបម្រើដ៏ល្អដាច់គេមួយក្នុងលោក ដូចដែលកាលខ្ញុំធ្លាប់លេងជាមួយ Xavi និង Iniesta អ៊ីចឹងដែរ"។
គួរបញ្ជាក់ថា Marco Verratti បានផ្ទេរមកចូលរួមជាមួយក្លឹប PSG កាលពីរដូវក្តៅ ឆ្នាំ ២០១២ ដោយស្ថិតិបង្ហាញខ្លួនសរុប គេរកបាន ៩ គ្រាប់និង Assist ៥៨ លើក នៅការបង្ហាញខ្លួន ៣៥៣ ប្រកួត។ បច្ចុប្បន្នសុពលភាពកុងត្រារបស់គេត្រូវផុតនៅចុងខែមិថុនា ឆ្នាំ ២០២៤ ឯណោះ ដែលគេអាចមានតម្លៃខ្លួនល្បាក់ ៥៥ លានអឺរ៉ូ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
