Wijnaldum បង្ហាញការសោកស្តាយរឿងមួយ ក្រោយផ្ទេរមកក្លឹបសេដ្ឋី PSG
Georginio Wijnaldum កំពុងលេងនៅ Liverpool សុខៗស្រាប់តែប្រកាសផ្ទេរមកក្លឹប Paris Saint-Germain ទាំងដែលដើមឡើយ គេអាចជានឹងផ្ទេរទៅក្លឹប Barcelona ទេ តែគ្រប់យ៉ាងអាចពាក់ព័ន្ធនឹងរឿងលុយជាធំ។
យ៉ាងណាការផ្ទេរមកក្លឹបថ្មី ក្នុងទីក្រុងប៉ារីសនៅរដូវកាល ២០២១/២២ សម្រាប់កីឡាករសញ្ជាតិហូឡង់ មិនទទួលបានពេលវេលាលេងគ្រប់គ្រាន់នោះទេ ពោលបានត្រឹមកីឡាករបម្រុង និងខ្លះទៅលេងមិនពេញម៉ោងថែមទៀត ដោយគិតមកទល់ពេលនេះទើបបាន ៥០០ នាទី ខណៈកីឡាករសកម្មគឺចូលល្បាក់ជិត ១ ០០០ នាទី។
ជាមួយការខកខានពេលវេលាឈរជើងលើទីលានសារនេះ ក៏ត្រូវបាន Wijnaldum និយាយប្រាប់សារព័ត៌មាន NOS កន្លងទៅថា៖ "ខ្ញុំមិនអាចនិយាយថា វាពេញលេញនឹងរីករាយនោះទេ ជាមួយស្ថានភាពបែបនេះ ព្រោះវាជាអ្វីដែលខ្ញុំមិនចង់ទទួលបាន តែវាគឺជាបាល់ទាត់ ខ្ញុំជាអ្នកប្រយុទ្ធ ខ្ញុំបន្តឈរលើភាពវិជ្ជមាន និងខិតខំដើម្បីដោះស្រាយជាមួយវា"។
លោកបន្ត៖ "យ៉ាងណាប៉ុន្មានឆ្នាំចុងក្រោយ ខ្ញុំទទួលបានពេលវេលាលេងច្រើនណាស់ ហើយក៏តែងតែត្រៀមខ្លួនសម្រាប់ប្រកួត តែនេះវាខុសពីអ្វីដែលខ្ញុំគិតជាមួយ PSG និយាយទៅវាពិតជាលំបាកខ្លាំង"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
