ឃើញលេងល្អដែរ តែ Ole មិនសូវប្រើ ឥឡូវ Juve សុំចូលខ្ចីជើងម្នាក់នេះហើយ
ក្លឹបសេះបង្កង់ Juventus ត្រូវបានគេរាយការណ៍ថា កំពុងចាប់អារម្មណ៍លើការខ្ចីជើងខ្សែបម្រើនៅក្លឹប Man Utd នាទីផ្សារដោះដូររដូវរងាខាងមុខ បន្ទាប់ពីឃើញអ្នកចាត់ការលោក Ole Gunnar Solskjaer មិនសូវផ្តល់ពេលវេលាលេងគ្រប់គ្រាន់សម្រាប់គេផងនោះ។
នោះគឺកីឡាករហូឡង់ Donnny van de Beek ដែលលេចលឺថាអាចជាចង់ចែកផ្លូវនៅខែមករាខាងមុខ តែយ៉ាងណាតាមដំណឹងចុងក្រោយក្លឹបសេះបង្កង់ កំពុងត្រៀមឯកសារចូលទៅចែចូវបុរសវ័យ ២៤ ឆ្នាំចេញពី Old Trafford ហើយ តែដំណាក់កាលស្ទាបស្ទង់សមត្ថភាពដំបូង គឺពួកគេយកមកក្នុងលក្ខខណ្ឌខ្ចីជើងសិន។
តាមពិតទៅក្រៅពី Juventus ក៏មានក្លឹបផ្សេងឯទៀតដែរ ដែលចាប់អារម្មណ៍លើ Van de Beek តួយ៉ាងគឺ Everton និង Newcastle United។ នេះបើតាមអ្នកសារព័ត៌មានលោក Nicolo Schira បានលើកឡើង។
រំឭកថា Van de Beek សល់សុពលភាពកុងត្រាជាមួយក្លឹបម្ចាស់ដី Old Trafford ដល់ចុងខែមិថុនា ឆ្នាំ ២០២៥ ឯណោះ។ យ៉ាងណាមកទល់ពេលចុងក្រោយ គេនៅតែមិនស្ថិតក្នុងជម្រើសដំបូងដ៏សកម្មរបស់ក្រុម បើទៅមើលហាងឆេងថ្លៃខ្លួនរបស់គេវិញ គឺថ្លៃល្បាក់ ៣៥ លានអឺរ៉ូ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
