ទប់តំណែងគ្រូបង្វឹកនៅ Barca មិនចង់ជាប់ផង លោក Ronald Koeman ចង់បាន Donny van de Beek ទៅលេងនៅ Camp Nou
យោងតាមសារព័ត៌មានអេស្ប៉ាញ Sport ដែលជាប្រភពលំដាប់ថ្នាក់ទី ២បានឱ្យដឹងថា គ្រូបង្វឹកក្រុម Barcelona លោក Ronald Koeman ចង់នាំយក Donny van de Beek មកកាន់ទឹកដី Camp Nou នៅដើមខែមករាខាងមុខនេះ។
Koeman ស្គាល់គ្នាជាមួយ Donny មកពីក្រុមជម្រើសជាតិហូឡង់ ហើយអ្នកទាំងពីរត្រូវបានគេជឿជាក់ថានឹងមានទំនាក់ទំនងល្អជាមួយគ្នា។ កង្វះពេលវេលាលេងរបស់ខ្សែបម្រើក្រុមបិសាចក្រហម Manchester United បានក្លាយជាប្រធានបទដ៏ក្តៅគគុកមួយសម្រាប់ការជជែកវែកញែកជាមួយ Van de Beek ដែលរំពឹងថានឹងស្វែងរកការធានាអំពីតួនាទីរបស់គាត់នៅក្នុងក្លឹប។
Van de Beek ជិតនឹងចូលរួមជាមួយ Everton ក្នុងលក្ខខណ្ឌខ្ចីជើងនៅរដូវក្តៅមុននេះ ប៉ុន្តែលោក Ole Gunnar Solskjaer បានរារាំងការផ្ទេរនៅពេលនោះ។ ហើយជាអកុសល! Van de Beek នៅតែបន្តអង្គុយកៅអីបម្រុងដដែល។
គួរកត់សម្គាល់ផងដែរថា អនាគតរបស់ Koeman ជាមួយ Barca គឺមានភាពមិនច្បាស់លាស់ ចំពេលក្លិបមានវិបត្តិសេដ្ឋកិច្ចមិនធ្លាប់មានពីមុនមក។ សង្គ្រាមពាក្យសម្តីឥតឈប់ឈររបស់គាត់ជាមួយប្រធានក្លឹប Joan Laporta ក៏មិនជួយដល់ករណីណាមួយរបស់គាត់ដែរ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
