រាប់តាំងពី Man Utd/Real Madrid តែ Messi អត់ដាក់ឈ្មោះ Barca ជាក្រុមសង្ឃឹមឈ្នះពាន UCL
Lionel Messi បានព្រមានទៅកាន់មិត្តរួមក្រុម ថាប្រសិនចង់ឈ្នះពានរង្វាន់ UEFA Champions League គឺត្រូវផ្តោតលើការលេងជាក្រុមឲ្យបានច្រើន ពង្រឹងការយល់ចិត្តគ្នាឲ្យបានច្រើន បើផ្តោតតែលើការលេងលក្ខណៈបុគ្គលពេក នោះគឺមិនអាចសម្រេចបានទេ។
មួយផ្សេងទៀតលោកក៏បានផ្តល់បទសម្ភាសន៍ប្រាប់នូវឈ្មោះក្រុមដែលសង្ឃឹមឈ្នះពានអឺរ៉ុបរដូវកាលនេះ ហើយបែរជាគ្មានក្លឹបចាស់ Barcelona ទៅវិញ។
ប្រាប់ L'Equipe កន្លងទៅ Messi ថា៖ "វាជាក្តីស្រមៃការដែលចង់ឈ្នះពាន Champions League នៅទីនេះ ហើយក្លឹបបានខិតខំណាស់ក្នុងការសម្រេចគោលដៅនៅរយៈពេលប៉ុន្មានឆ្នាំចុងក្រោយ ហើយវាក៏កៀកជិតណាស់ដែរ តែតាមការយល់ឃើញរបស់ខ្ញុំ ការប្រកួតប្រជែងដ៏លំបាកបែបនេះ ខ្ញុំគិតថាមានតែការសាមគ្គីជាធ្លុងមួយទេ ទើបអាចឈ្នះ ដោយមិនអាចផ្តោតតែការលេងជាលក្ខណៈបុគ្គលឡើយ"។
លោកបន្តដល់ក្រុមដែលអាចឈ្នះពានរង្វាន់៖ "គ្រប់គ្នាកំពុងផ្តោតមកលើ PSG នៅ UCL សារនេះ តែយ៉ាងណាក៏នៅមានក្រុមរឹងមាំឯទៀតដែលសង្ឃឹមខ្ពស់ មានដូចជា Chelsea, Man City, Man Utd, Real Madrid ក៏ដូចជា Inter Milan និង Bayern Munich ផងដែរ"។
គួរបញ្ជាក់ថា ការប្រកួតនៅ UCL សារនេះ សម្រាប់ PSG ឆ្លងកាត់ ២ ជុំដំបូង ពួកគេស្មើ ១ ឈ្នះ ១ ហើយជុំទី ៣ ត្រូវប៉ះ RB Leipzig។ ខណៈ Barcelona ដែល Messi មើលរំលងនោះ គឺបរាជ័យ ៣-០ ផ្ទួនគ្នាទល់ Benfica និង Bayern Munich៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
