ឡើងម្ចាស់ថ្មីភ្លាម ក្លឹប Newcastle សម្លឹងឃើញអតីតកីឡាករ Liverpool រូបនេះភ្លែត
ក្លឹបសារិកាព្រៃ Newcastle United ត្រូវបានគេរាយការណ៍ថា កំពុងចាប់អារម្មណ៍លើអតីតខ្សែបម្រើនៅ Liverpool ដោយចង់បានគេមកចូលរួម នាពេលខាងមុខ ឆ្លើយតបទៅនឹងការទើបតែមកដល់របស់ម្ចាស់ក្លឹបថ្មី ដែលជាសម្ព័ន្ធយក្សនៅប្រទេសអារ៉ាប៊ីសាអ៊ូឌីត។
បើតាមសារព័ត៌មាន Sport.es ចុះផ្សាយថា ក្លឹប Newcastle ចង់ចាយទុនធំ ថ្ពក់យក Philippe Coutinho មកកាន់ក្របខ័ណ្ឌ Premier League សារជាថ្មី បន្ទាប់ពីចាយពេលផ្ទេរទៅក្លឹប Barcelona អស់រយៈពេលប៉ុន្មានឆ្នាំនិងមិនអាចបង្ហាញផ្លែផ្កាជោគជ័យទាល់តែសោះ នៅទីនោះ។
ប្រភពសង្កត់ធ្ងន់ Newcastle នឹងចាយតាមលទ្ធភាពដែលអាចធ្វើទៅបាន ដ្បិតអីតាមច្បាប់ FFP សម្រាប់ក្លឹបសារិកាព្រៃនឹងមិនអាចចំណាយលើសពី ២០០ លានផោនឡើយ ក្នុងរយៈពេល ៣ ឆ្នាំទៅមុខ។
បញ្ជាក់ថា តាមហាងឆេងថ្លៃខ្លួន Coutinho អាចជាថ្លៃតែ ៣០ លានអឺរ៉ូប៉ុណ្ណោះ ដែលវាធ្លាក់ចុះខ្លាំងធៀបនឹងតម្លៃដើមកាល Barcelona ទិញយកពីហង្សនៅតម្លៃ ១៣៥ លានអឺរ៉ូ។ ក្រៅពី Newcastle ក៏មានក្លឹបអង់គ្លេសផ្សេងទៀតដូចជា Arsenal និង Tottenham Hotspur ចាប់អារម្មណ៍លើ Playmaker សញ្ជាតិប្រេស៊ីលរូបនេះផងដែរ៕
ប្រភព៖ Sport.es
ព័ត៌មានថ្មីៗ
