ក្រោយគ្រប់គ្រង Newcastle United ពេញដៃពេញជើង ម្ចាស់ក្លិបថ្មីគ្រោងទម្លាក់លុយពង្រឹងកីឡាករថ្មី
បន្ទាប់ពីមានការបញ្ជាក់នាពេលថ្មីៗនេះថាក្រុមហ៊ុនសម្ព័ន្ធដែលគាំទ្រដោយមហាសេដ្ឋីអារ៉ាប៊ីសាអ៊ូឌីតបានដណ្តើមបានជោគជ័យលើការកាន់កាប់ក្រុម Newcastle United ហើយថ្នាក់ដឹកនាំថ្មីរបស់ក្លឹបក៏កំពុងឆ្ពោះទៅមុខជាមួយផែនការផ្ទេរសម្រាប់ទីផ្សាររដូវរងាខាងមុខនេះ។
ព័ត៌មាននៅដើមសប្តាហ៍នេះបានបញ្ជាក់ថរាជបុត្រអារ៉ាប៊ីសាអូឌីត និងជាមហាសេដ្ឋីពាន់លាន Mohammad Bin Salman បានក្លាយជាម្ចាស់ភាគហ៊ុនថ្មីរបស់ Magpies នេះបើយោងតាម BBC Sport ។
អ្នកនយោបាយអារ៉ាប៊ីសាអ៊ូឌីតដ៏សំបូរបែបម្នាក់នេះ ដែលមានទ្រព្យសម្បត្តិសុទ្ធរាប់ពាន់លានផោន ត្រូវបានគេរំពឹងថានឹងបញ្ចូលសាច់ប្រាក់ដ៏ច្រើនសន្ធឹកសន្ធាប់ចូលទៅក្នុងក្លឹប ដើម្បីស្តារក្រុមកីឡាកររបស់ពួកគេឡើងវិញ។ ថ្មីៗនេះ! របាយការណ៍ពីកាសែត(CaughtOffside) ថាកីឡាករម្នាក់ដែលមហាសេដ្ឋីជាន់ថ្មីមួយនេះកំពុងកំណត់គោលដៅគឺអ្នកចាំទីក្លិប Burnley កីឡាករ Nick Pope ។
ទោះយ៉ាងណាក៏ដោយ! បន្ថែមពីលើអ្នកចាំទីអង់គ្លេសរូបនេះសារព័ត៌មាន Stretty News យល់ថាក្រុមជ្រើសរើសបុគ្គលិកនិងកីឡាកររបស់ Newcastle United បានទាក់ទងរួចហើយអំពីលទ្ធភាពនៃការចុះហត្ថលេខាលើ Anthony Martial របស់ក្រុម Manchester United នៅខែមករា។
Martial បានតស៊ូដើម្បីបង្ហាញទម្រង់លេងនៅក្នុងរដូវកាលថ្មីៗ និងបន្ទាប់ពីការចុះហត្ថលេខានៅរដូវក្តៅរបស់ Jadon Sancho និង Cristiano Ronaldo បុរសសញ្ជាតិបារាំងរូបនេះហាក់មិនត្រូវបានជ្រើសរើសជាកីឡាករជម្រើសដំបូងក្រោមការដឹកនាំរបស់លោកOle Gunnar Solskjaer ។
ប្រភពក្លឹបមួយដែលបានចូលរួមក្នុងកិច្ចពិភាក្សាដំបូងបានបង្ហាញឱ្យដឹងថាក្លឹប Newcastle United បានទាក់ទងផ្លូវការជាមួយបិសាចក្រហមក៏ដូចជាអ្នកតំណាងរបស់កីឡាកររូបនេះផងដែរ។ វាមិនមែនគ្រាន់តែនៅក្នុងប្រទេសអង់គ្លេសដែល Martial ចង់បាននោះទេ - យើងយល់ថាមានក្លឹបអេស្ប៉ាញមួយចំនួនតូចក៏បានបង្ហាញចំណាប់អារម្មណ៍ក្នុងការចុះហត្ថលេខាជាមួយខ្សែប្រយុទ្ធបារាំងរូបនេះដែរ។
ទោះយ៉ាងណាក៏ដោយ!ជាមួយនឹងមុខមាត់ថ្មីរបស់ក្រុម Newcastle United ក្រុមសារិកាព្រៃមួយនេះ កំពុងសម្លឹងរកមើលការប្រកួតប្រជែងក្នុងតំបន់អឺរ៉ុបរបស់ពួកគេពិសេសដេញថ្លៃយកកីឡាករវ័យ២៥ឆ្នាំរូបនេះ។
ក្រុមបិសាចក្រហម Manchester United មានឆន្ទៈអនុញ្ញាតឱ្យខ្សែប្រយុទ្ធរូបនេះចាកចេញ ប៉ុន្តែទោះបីជាមិនអាចសងនូវតម្លៃដែលចំណាយក្នុងការចុះកុងត្រាពីមុនមកវិញបានក៏ដោយ ក៏ក្លិបនឹងទាមទារឱ្យបានជិត ៥៤ លានផោនដែលពួកគេបានចំណាយដំបូងឱ្យ Monaco សម្រាប់គាត់តាមដែលអាចធ្វើបាន។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
