John Murtough បញ្ជាក់ពីសារៈសំខាន់នៃភាពស្មោះត្រង់នៅ Old Trafford៖ “ សូមកុំមើលស្រាលអំណាចអ្នកគាំទ្រ”
ថ្លែងទៅកាន់ប្រព័ន្ធផ្សព្វផ្សាយរបស់ក្លឹបអំពីរបៀបដែលការគាំទ្ររបស់អ្នកគាំទ្របានដើរតួក្នុងរដូវកាលនេះ លោក John Murtough ប្រធានផ្នែកកីឡារបស់ក្លិបបិសាចក្រហមបានពន្យល់ថា៖“ ឧទាហរណ៍ដ៏អស្ចារ្យមួយគឺការប្រកួតរបស់ Leeds នៅពេលដែល Rafa Varane ដើរចេញមកក្រៅទីលាន"។
"គាត់មានកម្ពស់ប្រហែល១.៩១ម៉ែត្រ ទោះយ៉ាងណា ខ្ញុំគិតថាគាត់មានអារម្មណ៍ថាគាត់មានកម្ពស់ខ្ពស់ជាងមុន ពេលគាត់ដើរចេញពីក្នុងបន្ទប់មកបង្ហាញខ្លួន ហើយបន្ទាប់មក អ្នកទាំងអស់គ្នាបានស្វាគមន៍គាត់” ។
លោកបានបន្ថែមទៀតថា៖“ រឿងមួយដែលកីឡាករនិយាយមកកាន់ខ្ញុំ ជាពិសេសកីឡាករថ្មីទោះបីជាការប្រកួតក្រៅដីក៏ពួគគេត្រូវការការគាំទ្រ"។
"ដូច្នេះសូមកុំមើលស្រាលអំណាច និងថាមពលដែលពួកគេ(អ្នកគាំទ្រ)ផ្តល់ឱ្យក្រុម"។
ក្នុងរយៈពេលមួយឆ្នាំចុងក្រោយនេះ ការប្រកួតហាក់មិនមានអារម្មណ៍ដូចមុននោះទេ បើគ្មានអ្នកគាំទ្រដ៏ស្មោះត្រង់នៅ Old Trafford ប៉ុន្តែសំណាងល្អអ្វីៗបានប្រសើរឡើងឥឡូវនេះ។
អ្នកគាំទ្រកាន់តែច្រើនឡើង ៗ ត្រូវបានអនុញ្ញាតឱ្យចូលទៅទស្សនាក្នុងកីឡដ្ឋាន ប៉ុន្តែអ្វីដែលសំខាន់នោះគឺ គេមើលថាតើអ្នកគាំទ្រអាចជំរុញឱ្យបិសាចក្រហមឈ្នះពានរង្វាន់នៅចុងឆ្នាំ ២០២១/២២៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
