Lingard ប្រាប់ខ្ទេចពីឥទ្ធិពល Ronaldo ពេលមកដល់ក្លឹប Man Utd
Jesse Lingard ទន្ទឹមនឹងការដែលមានវត្តមាន Cristiano Ronaldo គេក៏ហាក់ទទួលបានការចាប់អារម្មណ៍ច្រើន ហើយមើលឃើញថា CR7 ហាក់ស្និទ្ធស្នាលនិងសម្របខ្លួនឆាប់រហ័សជាមួយកីឡាករអង់គ្លេសនេះជាខ្លាំង។
យើងត្រលប់ទៅកាលពីឆ្នាំ ២០០៣ ពេល Ronaldo ទើបមកដល់ Man Utd ក្រោមការដឹកនាំរបស់លោក Sir Alex សារនោះ Lingard នៅជាក្មេងតូច ឈរមើល Ronaldo បង្រៀនញាក់បាល់នៅឡើយ តែឥឡូវបែរអាចក្លាយជាមិត្តរួមក្រុម ចាប់ដៃគ្នាលើទីលានទៅវិញ។
ប្រាប់មុនឈានដល់ការប្រកួតរវាងអង់គ្លេសនិងអង់ដូរ៉ា ខ្សែបម្រើ Lingard និយាយថា៖ "Ronaldo គាត់អស្ចារ្យខ្លាំងណាស់ គាត់បានពាំនាំចំណុចល្អជាច្រើនមកដល់ក្រុមរបស់យើង គាត់នាំមកនូវភាពជាអ្នកដឹកនាំ គាត់ចង់ឈ្នះមិនថាតែក្នុងការហ្វឹកហាត់ ការប្រកួត និងការឈ្នះពានរង្វាន់"។
លោកបន្ត៖ "វាពិតជាល្អការដែលអាចនៅក្បែរគាត់ ទស្សនាការលេងរបស់គាត់ និងរៀនសូត្រពីគាត់ គាត់ជាកីឡាករល្អបំផុតមួយក្នុងលោក ហើយយើងតែងតែដឹងថាគាត់នឹងអាចរកបានគ្រាប់បាល់ ហើយជួយយើងឈ្នះការប្រកួតបាន"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
