Stoichkov ថា Jorginho មានឱកាស តែម្នាក់នេះទើបសក្តិសមនឹងលើកពាន Ballon d’Or បំផុត
ដ្បិតបើមតិជាច្រើនយល់ឃើញថា Jorginho សក្តិសមនឹងក្លាយជាម្ចាស់ពាន Ballon d'Or ឆ្នាំ ២០២១ តែតាមការជឿជាក់របស់អតីតកីឡាករក្លឹប Barcelona លោក Hristo Stoichkov ឯណេះវិញ បានចុចឈ្មោះខ្សែប្រយុទ្ធមួយរូបទៀតគឺសក្តិសមជាង។
នោះគឺកីឡាកររបស់ក្លឹប Bayern Munich ខ្សែប្រយុទ្ធ Robert Lewandowski ដែលគេមិនបានសម្រេចការឈ្នះពានរង្វាន់ធំ UCL ឬពាននៅជម្រើសជាតិនោះទេ តែលោក Hristo ចង់ឲ្យកីឡាករប៉ូឡូញឈ្នះច្រើនជាង ព្រោះដោយសារគេបង្ហាញទម្រង់លេងល្អច្រើនឆ្នាំមកហើយ មិនមែនតែថ្មីថ្មោងនេះឡើយ។
ប្រាប់នៅបទសម្ភាសន៍ជាមួយ TMW លោក Hristo ថា៖ "Jorginho? គេមានឱកាសអាចឈ្នះពាន [Ballon d'Or] នៅឆ្នាំនេះបាន ជាមួយអ្វីដែលគេសម្រេចបានកាលនៅ Chelsea និងជាមួយជម្រើសជាតិ តែវាមិនស៊ីសងលើខ្ញុំអ្នកសម្រេចទេ គឺអ្នកកាសែតឯណោះ"។
លោកបន្ត៖ "ខ្ញុំចង់បោះឆ្នោតឲ្យកីឡាករដែលមិនមែនតែធ្វើបានល្អត្រឹមតែមួយឆ្នាំ តែ ៤-៥ ឆ្នាំនៅកម្រិតដ៏ខ្ពស់ នេះសម្រាប់ Jorginho បើថាគេអាចឈ្នះពាន Nations League និង World Cup ទៀតនោះគឺគេសក្តិសមហើយ តែសម្រាប់ខ្ញុំនៅតែគិតថា Lewandowski គេសក្តិសមជាង"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
