Jorginho សារភាពឥតលាក់បាំង ថាមុនផ្ទេរមក Chelsea ប៊ិះលង់ខ្លួនផ្ទេរទៅក្លឹបគូប្រជែងមួយនេះ
ខ្សែបម្រើឆ្នើមរបស់ក្លឹបតោខៀវ Chelsea គឺកីឡាករ Jorginho បានទម្លាយកាលពីពេលថ្មីៗនេះថា កាលពីកំឡុង ៣ ឆ្នាំមុន គឺខ្លួនប៊ិះតែផ្ទេរទៅក្លឹបគូប្រជែងមួយផ្សេងទៀតឯណោះនៅ Premier League កំឡុងការសម្រេចចិត្តស្ទាក់ស្ទើរជាមួយក្លឹបម្ចាស់ដី Stamford Bridge។
គួរឲ្យដឹងដែរថា បុរសវ័យ ២៩ ឆ្នាំកាលពីឆ្នាំ ២០១៨ គេបានសម្រេចការផ្ទេរពីក្លឹប Napoli ទៅចូលរួមនៅក្លឹបតោខៀវ Chelsea ជាមួយតម្លៃខ្លួន ៥៧ លានអឺរ៉ូ។
ពេលនោះក៏មានក្លឹប Man City ចង់បានគេផងដែរ ហើយតាមការឲ្យដឹងនៅបទសម្ភាសន៍ប្រាប់ BT Sport លោក Jorginho ថា៖ "វាពិតជាកៀកមែនទែនកាលនោះ តែចុងក្រោយវាមិនអាចកើតឡើងទៅបាន [ការផ្ទេរទៅ City] ដោយពេលខ្លះក្នុងវិស័យបាល់ទាត់គឺវារបៀបហ្នឹងហើយ"។
លោកបន្ថែម៖ "យ៉ាងណាខ្ញុំពិតជារីករាយពេលនេះ ជាមួយ Chelsea ដោយនេះជាក្លឹបដ៏ធំមួយ ហើយបរិយាកាសនៅទីនេះគឺល្អ អ៊ីចឹងហើយទើបគ្រប់យ៉ាងអាចដំណើរការទៅបានយ៉ាងរលូន"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
