Liverpool និងក្លឹបធំ ២ ទៀត កំពុងប្រជែងគ្នា ចូលដណ្តើមយកកូនក្រុមម្នាក់ពី Real Madrid
បើតាមរបាយការណ៍ចុងក្រោយ ចុះផ្សាយថា ក្លឹបហង្សក្រហម Liverpool, Juventus និង AC Milan កំពុងប្រជែងគ្នា លើការចរចាចង់បានខ្សែប្រយុទ្ធស្លាបដ៏សំខាន់មួយរូបរបស់ក្លឹប Real Madrid នៅឯលីគកំពូលអេស្ប៉ាញ។
នោះគឺបុរសវ័យ ២៥ ឆ្នាំ Marco Asensio ដែលគេបានបាត់បង់ពេលវេលាបង្ហាញខ្លួននៅរដូវកាលថ្មីក្រោមការដឹកនាំរបស់លោក Carlo Ancelotti តែយ៉ាងណាក៏ទើបតែរកបាន Hat-Trick ក្រោយជាប់ជម្រើសដំបូងមួយសារ កាលពីប្រកួតកន្លងទៅ។
យ៉ាងណាតាមការចុះផ្សាយរបស់ Fichajes បានឲ្យដឹងថា ក្លឹប ៣ កំពុងធានានូវពេលវេលាបង្ហាញខ្លួនទៀងទាត់សម្រាប់ Asensio ប្រសិនគេព្រមផ្ទេរមកចូលរួមនៅរដូវរងាខាងមុខ ហើយខាងក្រុមដឹកនាំដោយលោក Jurgen Klopp ហាក់មានប្រៀបជាងគេលើការចរចានេះ។
ទៅមើល Juventus ជាក្រុមបន្ទាប់ ពួកគេកំពុងខ្វះតំបន់ប្រយុទ្ធក្រោយ Ronaldo ជាកីឡាករសំខាន់ចាកចេញទៅ ហើយ AC Milan ដែលទើបមានកៅអីត្រលប់មកលេងនៅ UCL ជឿថាឥទ្ធិពលរបស់ក្រុមក៏អាចចូលរួមចំណែក ចរចាយក Asensio មកចូលរួមផងដែរ។ អ៊ីចឹងយើងនឹងរង់ចាំមើលទាំងអស់គ្នា តើនាខែមករា ឆ្នាំ ២០២២ ក្លឹបណាមួយ នឹងអាចយកបានកីឡាករសញ្ជាតិអេស្ប៉ាញខាងលើ?
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
