Sherwood៖ “Pep នឹងដុសខាត់ Grealish ឲ្យក្លាយជា Superstar នៅថ្ងៃអនាគត ដូច ៤ រូបនេះ”
លោក Tim Sherwood បានបង្ហាញការយល់ឃើញថា Jack Grealish គឺជាកីឡាករមានទេពកោសល្យពិតប្រាកដ ហើយក្រោមការដឹកនាំរបស់លោក Pep Guardiola ទៅថ្ងៃមុខ គេនឹងក្លាយជាកីឡាករមួយក្នុងចំណោមកីឡាករទាំង ៥ ដែលមានគេជជែកច្រើនបំផុត បន្ទាប់ពីយុគសម័យ Cristiano Ronaldo/Lionel Messi។
គួរឲ្យដឹងថា Grealish គឺជាកីឡាករដែលក្លឹប Man City បានចាយលុយ ១០០ លានផោន ទិញយកគេចេញពីក្លឹប Aston Villa ហើយគេនឹងស្ថិតក្រោមក្រសែភ្នែករបស់អ្នកគាំទ្រជាពិសេស នៅប្រកួតសំខាន់ ៣ នាពេលបន្ទាប់មានពេលប៉ះ Chelsea, PSG និង Liverpool។
យ៉ាងណាកន្លងទៅនេះ Sherwood ជាអតីតជើងចាស់នៅជម្រើសជាតិអង់គ្លេសបាននិយាយថា៖ "Jack ជាកីឡាករមានទេពកោសល្យពិត ហើយជាមួយលោក Pep គេនឹងអាចក្លាយជា Superstar បាន ពោលគេកំពុងស្ថិតលើវិថីឆ្ពោះទៅក្លាយជាកីឡាករល្អបំផុតក្នុងលោក"។
លោកបន្ត៖ "ប៉ុន្មានឆ្នាំចុងក្រោយនេះ យើងតែងតែលើកឡើងអំពី Ronaldo និង Messi តែទៅពេលបន្ទាប់ ខ្ញុំគិតថាអ្នកនឹងជជែកពី Kylian Mbappe, Neymar, Erling Haaland, Harry Kane ក៏ដូចជា Jack Grealish ដែលគេជាកីឡាករដ៏លេចធ្លោ ហើយកំពុងស្ថិតនៅក្លឹបដ៏ត្រឹមត្រូវ ដែលអាចឈ្នះពានរង្វាន់បាន"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
