ធីបចោល Mbappe ខ្សែប្រយុទ្ធជើងខ្ចី Haaland ថាមានតែ ៧ រូបនេះទេល្អជាងខ្លួន
Erling Haaland ជាខ្សែប្រយុទ្ធដែលទទួលបានការចាប់អារម្មណ៍ខ្លាំងនៅកំឡុងជាង ២ ឆ្នាំចុងក្រោយ ជាពិសេសនៅរដូវកាលចុងក្រោយរបស់គេជាមួយក្លឹប RB Salzburg និងក្លឹបថ្មី Borussia Dortmund។ វ័យទើបតែ ២១ ឆ្នាំ យុវជនសញ្ជាតិន័រវេស រកបាន ១១៧ គ្រាប់និង Assist ៣២ លើកហើយត្រឹមការបង្ហាញខ្លួន ១៦១ ប្រកួត។
ដោយឡែកកន្លងទៅនេះ Haaland បានផ្តល់បទសម្ភាសន៍ជាមួយសារព័ត៌មាន VG ថាគេមើលឃើញខ្សែប្រយុទ្ធកណ្តាល ៧ រូបនេះគត់ដែលខ្លួនជាងខ្លួន [បញ្ជាក់៖ ប្រៀបធៀបតែកីឡាករលេងតំណែងប្រយុទ្ធកណ្តាល] ហើយក្នុងនោះក៏មាន Cristiano Ronaldo និង Robert Lewandowski តែពុំមានកីឡាករគូប្រជែងស្រករឆ្នាំ Kylian Mbappe ឡើយ។
ផ្ទុយទៅវិញ កីឡាករន័រវេសបានចុចឈ្មោះ Timo Werner (Chelsea), Roberto Frimino (Liverpool), Sergio Aguero (Barcelona), Harry Kane (Spurs), Pierre-Emerick Aubameyang (Arsenal), Robert Lewandowski (Bayern Munich) និង Cristiano Ronaldo (Man Utd)។
រំឭកថា ធៀបនឹង Mbappe ដែលលេងតំណែងប្រយុទ្ធកណ្តាលដូចគ្នានោះ គឺកីឡាករបារាំងអាយុបង Haaland តែជាង ១ ឆ្នាំប៉ុណ្ណោះ ខណៈដែលស្ថិតិគ្រាប់បាល់ គឺ ២៤២ ប្រកួត រកបាន ១៦៦ គ្រាប់និង Assist ៨៣ លើក។ ចុះសម្រាប់អ្នករាល់គ្នា គិតថា Mbappe ឬ Haaland ដែលល្អជាង?
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
