Figo ថា Ronaldo ម្ល៉េះត្រូវបានអ្នកគាំទ្រស្អប់ហើយ បើធ្វើរឿងមួយនេះ
អតីតកីឡាករ Barcelona និងជម្រើសជាតិព័រទុយហ្គាល់លោក Luis Figo បានបង្ហាញការយល់ឃើញថា ការសម្រេចចិត្តផ្ទេរមក Man Utd សារនេះ គឺជាការសម្រេចចិត្តដ៏ត្រឹមត្រូវរបស់កីឡាករកំពូល Cristiano Ronaldo ផ្ទុយទៅវិញបើរើសយក Man City ម្ល៉េះ នឹងមានការមិនពេញចិត្តពីសំណាក់អ្នកគាំទ្រជាច្រើនហើយ។
បញ្ជាក់ថា CR7 បានផ្ទេរមក Man Utd ចូលរួមបាន ៣ ប្រកួតទៅហើយ និងរកបាន ៤ គ្រាប់ឲ្យក្លឹប ពោលគ្រប់គ្នាជឿថា ការមកវិញសារនេះ Ronaldo នឹងបន្តបង្កើតកំណត់ត្រាល្អៗជាច្រើន ក៏ដូចជាជួយក្លឹបលើកពានរង្វាន់។
ប្រាប់ទៅ GiveMeSport លោក Figo និយាយ៖ "តាមខ្ញុំយល់ឃើញ Manchester United គឺជាជម្រើសដ៏សក្តិសមបំផុតហើយសម្រាប់ Cristiano ព្រោះវាជាកន្លែងដែលលោកស្គាល់ច្បាស់ គេធ្លាប់បង្កើតប្រវត្តិសាស្រ្តនៅទីនោះ អ្នកគាំទ្រស្រលាញ់គេ ដូច្នេះវាជាកន្លែងល្អបំផុតនៃចំណែកចុងក្រោយនៃអាជីពរបស់ Ronaldo"។
"ប្រសិនអ្នកទៅលេងឲ្យក្លឹបគូប្រជែង [Man City] ម្ល៉េះនឹងមានបញ្ហាជាមួយអ្នកគាំទ្រហើយ អ៊ីចឹងដើម្បីមានបញ្ហាតិចបំផុត គឺការដែលមកបន្តសាងប្រវត្តិសាស្រ្តជាមួយក្លឹបចាស់របស់យើង"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
