ក្រៅពី Mbappe ក្លឹប Real Madrid ត្រៀមដាក់ទុនធំ យកយុវជនឆ្នើមនៅតំបន់ប្រយុទ្ធមួយរូបផ្សេងទៀត
ក្លឹប Real Madrid មិនត្រឹមតែមានបំណងចង់ចុះហត្ថលេខាយក Kylian Mbappe ដោយឥតគិតថ្លៃមួយប៉ុណ្ណោះទេ ទៀតសោតតាមរបាយការណ៍ចុងក្រោយលឺថាចង់បានកីឡាករលេងតំណែងប្រយុទ្ធរបស់ក្លឹប Ajax មួយរូបបន្ថែមទៀតផងដែរ។
នោះគឺ Antony ជាយុវជនវ័យ ២១ ឆ្នាំលេងឲ្យជម្រើសជាតិប្រេស៊ីល U23 ហើយបច្ចុប្បន្នគេកំពុងលេងឲ្យក្លឹបហូឡង់ Ajax ដែលបង្ហាញខ្លួន ៥១ ប្រកួត រកបាន ១១ គ្រាប់និង Assist ១២ លើក។ តាមដឹងម្នាក់នេះ អាចមានតម្លៃខ្ទង់ ២៥ លានអឺរ៉ូឬខ្ពស់ជាងហ្នឹងបន្ថែមទៀត នៅពេល Real ចរចាទិញយកនៅរដូវក្តៅឆ្នាំក្រោយ។
បើតាមការចុះផ្សាយពីសារព័ត៌មាន Fichajes បានឲ្យដឹងថា ប្រធានធំលោក Florentino Perez ក៏បានត្រៀមលុយចំណាយលើការចង់បាននេះហើយដែរ ពោលចង់យក Antony មកចាប់ដៃគូជាមួយ Kylian Mbappe រួជើងគ្នានៅ Bernabeu នាពេលខាងមុខតែម្តង។
រំឭកថា យុវជនលេងតំណែងប្រយុទ្ធស្លាបស្តាំ គេរកបាន ១ គ្រាប់និង Assist ២ លើកនៅ ៥ ប្រកួតឲ្យAjax រដូវកាលថ្មី ហើយ Assist ២ លើកនោះកើតឡើងនៅប្រកួតសំខាន់ទល់ Sporting Lisbon នាជំនួប UCL កាលពីពាក់កណ្តាលខែ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
