(វីដេអូ) Asensio រកបានគ្រាប់បាល់ Hat-Trick ដំបូងយប់មិញ តែមិនអបអរដោយសារហេតុផលនេះ
ក្លឹប Real Madrid បានបង្កើតលទ្ធផលដ៏ភ្ញាក់ផ្អើល ក្រោយយកឈ្នះ ៦-១ ទៅលើក្លឹប Mallorca នៅជំនួបជុំទី ៦ ក្របខ័ណ្ឌ La Liga។ ការយកបាន ៣ ពិន្ទុសារនេះ គេមានការចាប់អារម្មណ៍ខ្លាំង ព្រោះអីMarco Asensio បានជាប់ជម្រើសដំបូងតាំងពីដើមតង់។
គ្រាប់បាល់ ២ គ្រាប់កើតចេញពីថ្វីជើងរបស់ Karim Benzema ហើយ ១ គ្រាប់ចេញពី Isco និង ៣ គ្រាប់ ឬ Hat-Trick ធ្វើបានដោយ Asensio ដែលនេះក៏ជាការសម្រេចលើកដំបូងនៅអាជីពជាមួយក្លឹប Real Madrid ផងដែរ។
យ៉ាងណាគេសង្កេតឃើញថា Asensio មិនបញ្ចេញស្ទាយអបអរនោះទេ ហើយប្រិយមិត្តខ្លះក៏ឆ្ងល់ បើមិនដឹងប្រវត្តិកីឡាករអេស្ប៉ាញរូបនេះច្បាស់។ ជាការពិត Asensio មុនមានថ្ងៃនេះ គេធ្លាប់ជាយុវជនហ្វឹកហាត់នៅទ្រនំក្លឹប Mallorca ចន្លោះឆ្នាំ ២០១២ ដល់ ២០១៥ មុនផ្ទេរមកក្លឹប Real Madrid។
https://www.youtube.com/watch?v=XOO8BCfTmN4
កាលនៅ Mallorca ពេលគេមានអាយុស្រករក្រោម ២០ គេបង្ហាញខ្លួនបាន ៥៦ ប្រកួត រកបាន ៧ គ្រាប់និង Assist ៩ លើក ពោលជាក្លឹបទីពីរ ឈរជើងច្រើនជាងគេក្នុងអាជីព បន្ទាប់ពី Real Madrid៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
