ម្តាយ Ronaldo ផ្តាំទៅកូននិងចៅប្រុសហើយ ថាមុនចែកឋាន ចង់ឲ្យពួកគេសម្រេចបំណងមួយ
អ្នកស្រី Dolores Aveiro បានផ្តែផ្តាំទៅកូនប្រុសនិងចៅប្រុសរួចជាស្រេចហើយ ថាមុនអ្នកស្រីចែកឋានពីលោកនេះទៅ អ្នកស្រីចង់ឃើញរវាងពួកគេទាំងពីរ អាចមានមួយទៅលេងឲ្យក្លឹបនៅឯប្រទេសកំណើតព័រទុយហ្គាល់។
ម្តាយបង្កើតរបស់ Ronaldo សព្វថ្ងៃមានវ័យ ៦៦ ឆ្នាំ ហើយបាននិយាយកន្លងទៅថា៖ "Ronaldo ត្រូវតែមកលេងនៅទីនេះ [ក្លឹប Sporting] សម្រាប់ខ្ញុំ គេត្រូវតែមកទីនេះ ដោយជាការពិតគេចូលចិត្តមើលការប្រកួតរបស់ Sporting ណាស់ ហើយខ្ញុំក៏ធ្លាប់បាននិយាយទៅកាន់គេហើយដែរថា កូនប្រុស មុនពេលម៉ាក់ស្លាប់ ម៉ាកចង់ឃើញកូនត្រលប់ទៅក្លឹប Sporting ម្តងទៀត"។ នេះជាសារបញ្ជាក់ប្រាប់លើកម្មវិធី ADN de Leao។
អ្នកស្រីបន្ត៖ "Ronaldo គេឆ្លើយមកវិញ ថាចាំមើលទៅម៉ាក តែសម្រាប់ខ្ញុំប្រសិនមិនអាចជា Ronaldo ក៏ អាចជា Cristianinho [ចៅប្រុស] ដែរ ព្រោះនៅវ័យរបស់គេ គេអាចធ្វើបានល្អជាង Ronaldo ហើយឪពុករបស់គេ គឺជាគ្រូបង្វឹកគេបច្ចុប្បន្ននេះ"។
គួររំឭកថា Cristiano Ronaldo Jr មានអាយុទើបតែ ១១ ឆ្នាំប៉ុណ្ណោះ ហើយសព្វថ្ងៃគេកំពុងចូលរួមហ្វឹកហាត់នៅថ្នាលយុវជនរបស់ក្លឹប Man Utd។ យ៉ាងណាទៅមើលឪពុករបស់គេដែលមានវ័យ ៣៦ ឆ្នាំ ជឿថាការដែលត្រលប់ទៅក្លឹប Sporting គឺអាចជាយូរទៀត ហើយក៏អាចជាក្លឹបចុងក្រោយមុនលោកប្រកាសចូលនិវត្តផងដែរ ប្រសិនលោកមានបំណងចង់តាមម្តាយពិតមែន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
