Barca ចង់ថ្ពក់យកកីឡាករជាន់ Role របស់ Ronaldo ម្នាក់ មកបំពេញតំបន់ប្រយុទ្ធ
ក្លឹប Barcelona ត្រូវបានគេមើលឃើញថា កំពុងមានបញ្ហានៅតំបន់ប្រយុទ្ធ ពោលខ្វះជើងកីឡាករសំខាន់ ដែលប៉ុន្មានប្រកួតចុងក្រោយដល់ថ្នាក់ត្រូវបង្ខំលើកខ្សែការពារមកលេងតំបន់ជួរមុខជំនួសក៏មាន។
វាជាបញ្ហាដែលក្លឹបត្រូវតែដោះស្រាយជាចាំបាច់ ហើយប្រសិនជាអាចការចរចានាំចូលកីឡាករទំនងជានឹងកើតមាននៅទីផ្សារដោះដូររដូវរងា ដើមឆ្នាំ ២០២ ខាងមុខ។ បើតាមសារព័ត៌មាន Eurosport ចុះផ្សាយ ថាក្លឹបម្ចាស់ដី Camp Nou បានសម្លឹងមើលឃើញ កីឡាករជាន់ Role របស់ Cristiano Ronaldo នៅ Old Trafford នោះគឺ Anthony Martial ដោយចង់បានគេមកជួយដោះស្រាយកង្វះខាតនៅតំបន់ប្រយុទ្ធសព្វថ្ងៃនេះ។
តាមប្រភពឲ្យដឹងថា Martial គេផ្ទាល់ក៏ចង់ចាកចេញដែរ ពោលឲ្យតែភាគីក្លឹបចង់បាន អាចដាក់សំណើត្រូវថ្លៃទៅកាន់ភាគីក្លឹបអាណាព្យាបាល នោះកីឡាករបារាំងនឹងមិនរុញរាក្នុងការចែកផ្លូវពី United ឡើយ។
គួរបញ្ជាក់ថា វាជាអាចជាបញ្ហាប្រឈមធំមួយដែរលើការចំណាយ ព្រោះបើក្លឹប Barcelona ចង់បាន Martial ដែលជាកីឡាករត្រូវផុតកុងត្រានៅចុងខែមិថុនា ឆ្នាំ ២០២៤ គឺក្លឹបត្រូវចាយចន្លោះពី ៤៥ ទៅ ៥០ លានអឺរ៉ូឯណោះ។ រំឭកថា Martial បង្ហាញខ្លួនសរុប ២៦៣ ប្រកួតឲ្យ United រកបាន ៧៨ គ្រាប់និង Assist ៥០ លើក រាប់បានជាស្ថិតិល្អគួរសម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
