អតីតសមាជិកហង្ស ថាបើម្នាក់នេះ មិនដើរចេញពី Man Utd គឺអាជីពបាល់ទាត់ចប់ប៉ុណ្ណឹងហើយ
អតីតកីឡាករក្លឹប Liverpool និង Everton លោក Don Hutchinson បានបង្ហាញការយល់ឃើញថា កីឡាករលេងតំណែងបម្រើ នៅមានគុណភាពរបស់ Man Utd គួរតែចាកចេញ ជាជាងការបន្តនៅ ប្រសិនចង់បន្តអាជីពក្នុងវិស័យបាល់ទាត់។
នោះគឺលោកនិយាយពីឈ្មោះ Donny van de Beek ដែលចាប់តាំងពីការផ្ទេរចេញពី Ajax មក Man Utd គឺគេហាក់កាន់តែដុនដាបទៅ ក្រោយខ្វះខាតពេលវេលាបង្ហាញខ្លួនលើទីលាន។ កីឡាករហូឡង់ដែលមានតម្លៃខ្លួន ៣៥ លានផោន ៥ ជុំនៅ PL រដូវកាលនេះ គេទើបឈរជើងបាន ៦ នាទីគត់លើទីលាន។
ប្រាប់ BBC 5 Live Sport លោក Hutchinson និយាយ៖ "ខ្ញុំគិតថា ប្រសិនអ្នកជា Donny van de Beek ពេលនេះ អ្នកគួរតែបានជជែកជាមួយភ្នាក់ងារ ឲ្យទៅជជែកជាមួយក្លឹបក៏ដូចជាអ្នកចាត់ការ ព្រោះអីនេះ World Cup ជិតឈានចូលមកដល់ហើយនៅរយៈពេល ១៨ ខែបន្ទាប់"។
លោកបន្ថែម៖ "គេមិនអាចបន្ត ត្រឹមអង្គុយបម្រុងបែបហ្នឹងរហូតទេ ហើយការលេង League Cup នៅពាក់កណ្តាលសប្តាហ៍ វាមិនគ្រប់គ្រាន់ឡើយ បើខ្ញុំជាច Donny van de Beek ខ្ញុំរើបង្វិចដើរចេញពី Man Utd ហើយ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
