ក្លឹបគូប្រជែងមួយរបស់ R.Madrid ធ្លាប់តាមអូសទាញ តែ Ronaldo បដិសេធមិនទៅ
មុនផ្ទេរមក Man Utd ជាការពិត Cristiano Ronaldo នាមជាកីឡាករឆ្នើមមួយរូប គឺរមែងមានក្លឹបជាច្រើនដែលចង់បាន ហើយសាកល្បងចូលទៅចរចា តាមលទ្ធភាពដែលពួកគេមាន។ យ៉ាងណាក្រៅពី Man Utd, Man City, Real Madrid ពេលចុងក្រោយនេះ ក៏យើងទទួលបានដំណឹងថា មានទាំងក្លឹប Atletico Madrid មួយទៀតផងដែរ។
បើតាមការចុះផ្សាយលើប៉ុស្តិ៍កម្មវិធី Carrusel របស់ Cadena Ser ភ្នាក់ងាររបស់ Ronaldo គឺ លោក Jorge Mendes បាននិយាយថា Atletico Madrid នឹងព្រមទទួលយក CR7 ឲ្យតែគេព្រមត្រលប់មកលេងនៅលីគកំពូលអេស្ប៉ាញ ខណៈក្លឹបធំ ២ ឯទៀតមាន Real Madrid និង Barcelona កាលនោះជួបបញ្ហាហិរញ្ញវត្ថុ គ្មានលទ្ធភាពចំណាយលើថ្លៃពលកម្មសម្រាប់តារាឆ្នើមវ័យ ៣៦ ឆ្នាំឡើយ។
យ៉ាងណា Ronaldo ហាក់មិនចាប់អារម្មណ៍លើការផ្ទេរទៅក្លឹបគូប្រជែងរបស់ Real Madrid មួយនោះទាល់តែសោះ ដោយទំនងជាការបង្ហាញពីការគោរពដល់ក្លឹបចាស់ផង និងមួយផ្សេងទៀតចាប់អារម្មណ៍លើអង់គ្លេសជាងផង។
រំឭកថា ការជ្រើសរើសក្លឹប Man Utd គឺជាការសម្រេចចិត្តដ៏ត្រឹមត្រូវ ព្រោះបើយើងក្រឡេកមើលស្ថិតិ Ronaldo នៅ ៣ ប្រកួត ដំបូងគេអាចរកបាន ៤ គ្រាប់ហើយឲ្យក្លឹប រាប់ការស៊ុតទល់ Newcastle, Young Boys និង West Ham United៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
