បកស្រាយអត្ថន័យការអបអរគ្រាប់បាល់របស់ Amad Diallo ពេលស៊ុតចូល AC Milan កាលពីអាទិត្យមុន
Amad Diallo កីឡាករវ័យក្មេងរបស់ក្រុម Manchester United រកបានគ្រាប់បាល់ដំបូងរបស់ខ្លួនក្នុងអាជីពនៅអង់គ្លេសហើយបានធ្វើការអបអរគ្រាប់បាល់នេះក្នុងអត្ថន័យដ៏អស្ចារ្យទៀតផង។
អ្នកគាំទ្រមានការងឿងឆ្ងល់ថា ហេតុអ្វីបានជាកីឡាករសញ្ជាតិកូតឌីវ័ររូបនេះ អបអរគ្រាប់បាល់របៀបនោះ បន្ទាប់ពីបានប្រើក្បាលសម្រេចទីដោយការតែតបកក្រោយ ពីការផ្លោងបាល់របស់ Bruno Fernandes ផុតដៃអ្នកចាំទី Gianluigi Donarumma របស់ក្រុម AC Milan នៅ Old Traffordកាលពីសប្ដាហ៍មុន ។
ទោះបីជា Simon Kjaer បានរកគ្រាប់បាល់តាមស្មើនៅចុងម៉ោង ដើម្បីទុកឱកាសសម្រាប់ការប្រកួតជើងទី ២ នៃការប្រកួត Europa League ជុំទី ១៦ ក្នុងប្រទេសអ៊ីតាលីនៅថ្ងៃព្រហស្បតិ៍នេះក៏ដោយ ក៏សកម្មភាពរបស់ Amad គឺជាចំណុចសំខាន់មួយដែលមិនធ្លាប់មានពីមុនមក។
មានរឿងរ៉ាវគួរឱ្យរំជួលចិត្តមួយនៅពីក្រោយការអបអរគ្រាប់បាល់នេះ ។ Amad ប្រើការអបអរនេះជាការបួងសួងកាន់ទុក្ខ ចំពោះអតីតមិត្តរួមក្រុម Atalanta គឺអតីតកីឡាករ Willy Braciano Ta Bi ។អតីតខ្សែបម្រើរូបនេះបានទទួលមរណភាពយ៉ាងឈឺចាប់កាលពីខែមុនក្នុងវ័យ ២១ ឆ្នាំ បន្ទាប់ពីទទួលរងជំងឺមហារីកថ្លើមដ៏សាហាវ។
Amad Diallo’s celebration against AC Milan was a personal tribute to former Atalanta team-mate Willy Braciano Ta Bi, who tragically passed away last month at 21, after suffering liver cancer 🇨🇮❤️ pic.twitter.com/vNi1P7pUMc
— United Zone (@ManUnitedZone_) March 16, 2021
Amad ធ្លាប់លេងជាមួយអតីតកីឡាករសញ្ជាតិកូដឌីវ័ររូបនេះ ក្នុងសាលាយុវជថ្នាលរបស់ Atalanta ខណៈដែល Willy បានចាកចេញពីក្លិប ASEC Mimosa នៅស្រុកកំណើតមកហាត់ជាមួយគ្នានៅអ៊ីតាលី។ កីឡាករពាក់អាវលេខ១៩រូបនេះបានសរសេរក្នុងគណនី Instagram របស់ខ្លួនថា សូមទៅកាន់សុគតិភព Willy Braciano Ta Bi អ្នកនៅក្នុងបេះដូងរបស់ពួកយើងជារៀងរហូត"៕
ព័ត៌មានថ្មីៗ
