នេះជាហេតុផល៥យ៉ាងដែលធ្វើឱ្យស្ត្រីសម័យឥឡូវចង់នៅលីវ លែងគិតរឿងមានគ្រួសារ
ជំនួសឱ្យការ "លះបង់ខ្លួនឯងដើម្បីគ្រួសារ" ស្ត្រីសព្វថ្ងៃនេះចង់ស្វែងរកភាពខ្លាំងរបស់ពួកគេទៅធ្វើការរកប្រាក់និងចិញ្ចឹមជីវិតរបស់ពួកគេជំនួសឱ្យការធ្វើការងារផ្ទះ។ ខាងក្រោមនេះជាហេតុផល៥យ៉ាងដែលយុវវ័យកាន់តែច្រើនជ្រើសរើសនៅលីវ ជាងមានគ្រួសារ៖
១.ចង់រស់នៅដោយសមត្ថភាពខ្លួនឯង៖ ពីមុនមានមនុស្សស្រីជាច្រើនត្រូវបង្ខំចិត្តស៊ូទ្រាំនឹងការប្រមាថ និងចំអកពីសង្គមចំពោះការជ្រើសរើសរបៀបរស់នៅតែមួយ ប៉ុន្តែសព្វថ្ងៃនេះការគិតនេះមានការផ្លាស់ប្តូរ។ ជំនួសឱ្យការ "លះបង់ខ្លួនឯងដើម្បីគ្រួសារ" ស្ត្រីចង់ស្វែងរកភាពខ្លាំងរបស់ពួកគេទៅធ្វើការរកប្រាក់និងចិញ្ចឹមជីវិតរបស់ពួកគេជំនួសឱ្យការធ្វើការងារផ្ទះ។
២.ស្ត្រីមានការប្រុងប្រយ័ត្នកាន់តែខ្លាំងឡើងក្នុងការជ្រើសរើសដៃគូរបស់ពួកគេ៖ មនុស្សជាច្រើននៅតែស្វែងរកទំនាក់ទំនងយូរអង្វែងដើម្បីឆ្លងកាត់ជីវិតជាមួយគ្នា ប៉ុន្តែចុងក្រោយពួកគេនៅតែជ្រើសរើសនៅលីវ ព្រោះវាហាក់បីដូចជាមិនអាចស្វែងរកដៃគូដែលត្រឹមត្រូវ។ ស្ត្រីជាច្រើនជ្រើសរើសនៅលីវ មិនមែនដោយសារតែពួកគេស្អប់អាពាហ៍ពិពាហ៍នោះទេ ប៉ុន្តែផ្ទុយទៅវិញ អាពាហ៍ពិពាហ៍មានសារៈសំខាន់សម្រាប់ពួកគេ។ ម្យ៉ាងវិញទៀត ពួកគេកាន់តែប្រយ័ត្នប្រយែងក្នុងការជ្រើសរើសដៃគូ ព្រោះពួកគេបារម្ភពីហានិភ័យនៃអាពាហ៍ពិពាហ៍។
៣.អាពាហ៍ពិពាហ៍គឺជាបន្ទុក៖ វាអាចត្រូវបានគេមើលឃើញថាអត្រាស្ត្រីធ្វើការនៅក្នុងក្រុមហ៊ុនកំពុងកើនឡើង ប៉ុន្តែពួកគេនៅតែត្រូវបានចងភ្ជាប់ដោយស្តង់ដារនៃការទទួលខុសត្រូវក្នុងនាមជាប្រពន្ធ និងម្តាយនៅក្នុងគ្រួសារ។
នៅក្នុងវប្បធម៌ជប៉ុន និងប្រទេសជាច្រើនទៀត ប្រពន្ធត្រូវបង្ខំឱ្យទទួលខុសត្រូវលើការមើលថែកូន និងការងារផ្ទះ មិនថាពួកគេធ្វើការ ឬ គ្រាន់តែជាស្ត្រីមេផ្ទះនោះទេ ខណៈដែលបុរសមិនមានតួនាទីអ្វីសោះក្រៅតែពីរកលុយ។ ដោយសារស្តង់ដារពីរនេះហើយ ទើបស្ត្រីមិនចង់រៀបការទាល់តែសោះ។ ផ្ទុយទៅវិញ ពួកគេចង់មានសេរីភាព ផ្តោតលើការងារ និងធ្វើអ្វីដែលពួកគេចូលចិត្ត។
៤.គ្មានទំនុកចិត្តលើអ្នកដទៃ៖ ទោះបីមានរឿងរ៉ាវស្នេហាដ៏អស្ចារ្យជាច្រើន ប៉ុន្តែក៏មានរឿងរ៉ាវស្នេហាជាច្រើនដែលមានចុងបញ្ចប់មិនល្អ ដែលធ្វើអោយយើងបាត់បង់ជំនឿលើស្នេហា។ ការពិតនេះអាចប៉ះពាល់ដល់សមត្ថភាពរបស់អ្នកក្នុងការជឿទុកចិត្ត ធ្វើឱ្យពិបាកក្នុងការជឿអ្វីដែលអ្នកដទៃនិយាយ ឬ សន្យា។ ប្រហែលជាអ្នកគ្រាន់តែមានអារម្មណ៍ថា ពេលវេលាដែលយើងត្រូវការដើម្បីស្គាល់ចរិតរបស់នរណាម្នាក់ ហើយមើលថាតើពួកគេគួរឱ្យទុកចិត្ត ហាក់ដូចជាវែងពេក និងខ្ជះខ្ជាយណាស់។
៥.មិនមានពេលសម្រាប់គ្រួសារទៀតទេ៖ មិនត្រឹមតែដោយសារតែអាជីព ឬ ផលប្រយោជន៍ផ្ទាល់ខ្លួនប៉ុណ្ណោះទេ ស្ត្រីមួយចំនួនតូចជ្រើសរើសមិនរៀបការដោយសារតែពួកគេត្រូវមើលថែសាច់ញាតិរបស់ពួកគេ (ភាគច្រើនជាឪពុកម្តាយដែលមានវ័យចំណាស់)។ ពួកគេមិនអាចលះបង់ពេលវេលា និងកិច្ចខិតខំប្រឹងប្រែងទាំងអស់របស់ពួកគេដើម្បីមើលថែទាំគ្រួសារតូចរបស់ពួកគេ និងធ្វេសប្រហែសមិនគិតគូរពីឪពុកម្តាយរបស់ពួកគេ។
មនុស្សជាច្រើនគិតថា "ដោយគ្រាន់តែរៀបចំពេលវេលា ពួកគេនៅតែអាចរក្សាតុល្យភាពបាន" ប៉ុន្តែការងារ ការមើលថែស្វាមី និងកូន និងសូម្បីតែឪពុកម្តាយរបស់ពួកគេផ្ទាល់ ធ្វើឱ្យពួកគេផ្ទុកលើសទម្ងន់ដែលអាចទៅរួច៕
ព័ត៌មានថ្មីៗ
