Giovanni Gigli ថាក្លិប Juventus បច្ចុប្បន្ននេះបង់លុយឲ្យ Ronaldo មួយគ្រាប់មួយលានអឺរ៉ូ
អតីតប្រធានក្លឹបសេះបង្កង់ Juventus លោក Giovanni Gigli ជឿជាក់យ៉ាងមុតមាំថាកីឡាករ Cristiano Ronaldo មិនដែលជាជំរើសសំរាប់ក្លិបនៅ Serie A ទេពីព្រោះគាត់មានតម្លៃខ្លួនថ្លៃពេក។
អតីតប្រធានក្លឹបសេះបង្កង់លោក Giovanni Gigli ជឿជាក់យ៉ាងមុតមាំថាកីឡាករ Cristiano Ronaldo មិនដែលជាជំរើសសំរាប់ក្រុមយក្សនៅក្របខណ្ឌ Serie A នោះទេព្រោះគាត់ថ្លៃពេក។ ហេតុផលសមស្របនោះគឺលោក Giglie មានអារម្មណ៍ថា Juve គួរតែបណ្តោយឱ្យតារាឆ្នើមព័រទុយហ្កាល់រូបនេះចាកចេញកាន់តែឆាប់កាន់តែល្អ ខណៈដែលលោកបន្ថែមថាបច្ចុប្បន្ននេះ Ronaldo រកបាន ១ លានអឺរ៉ូក្នុងមួយគ្រាប់។
លោក igli បានបន្តទៀតថាប្រធានក្លិបបច្ចុប្បន្នលោក Andrea Agnelli គួរតែទាត់ខ្លួនឯង សម្រាប់ការនាំយក Ronaldo ពី Real Madrid នៅឆ្នាំ ២០១៨ ។
"បាទពិតណាស់! ខ្ញុំបាននិយាយថានៅថ្ងៃដំបូងរបស់គាត់នៅឯក្លឹប Juventus ។ គាត់គឺជាជើងឯកដ៏អស្ចារ្យ ប៉ុន្តែមានតម្លៃថ្លៃណាស់។
“ ឥឡូវវាអាស្រ័យលើក្រុម Juventus ។ ពួកគេបានចំណាយប្រាក់ឲ្យគាត់ ១ លានអឺរ៉ូពេលគាត់ស៊ុតបញ្ចូលទីមួយគ្រាប់។ [ប្រធាន Juve Andrea] Agnelli ត្រូវតែចេះរិះគន់ខ្លួនឯង ប៉ុន្តែគាត់មិនមានអ្នកសហការល្អជួយផ្ដល់យោបល់នោះទេ"។
Ronaldo បានចុះកុងត្រារយៈពេល ៤ ឆ្នាំជាមួយក្លឹបសេះបង្កង់ Juventus ក្នុងឆ្នាំ ២០១៨ នេះមានន័យថាគាត់នៅសល់ពេលជាងមួយឆ្នាំទៀតលើកិច្ចសន្យារបស់គាត់។
ទោះយ៉ាងណា! Gigli មានទស្សនៈថា Juventus គួរតែដោះលែងខ្សែប្រយុទ្ធរូបនេះពេលចប់រដូវកាលបច្ចុប្បន្ន ហើយអនុញ្ញាតឱ្យគាត់ផ្លាស់ទៅកន្លែងផ្សេងទៀត។
"ក្លិបគួរតែដោះលែង Ronaldo នៅដំណាច់រដូវកាលនេះ ហើយដូចគ្នាដែលគាត់បានធ្វើសម្រាប់កីឡាករ Fabio Paratici កាលពីប៉ុន្មានឆ្នាំមុន"។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
