សម្ដីបងប្រធាន Maguire បកស្រាយរឿងទាត់បាល់ចម្ងាយមិនដល់កន្លះម៉ែត្រមិនចូលយប់មិញ
កាលពីយប់មិញក្រុមបិសាចក្រហម Manchester United បានត្រឹមតែស្មើជាមួយ AC Milan ក្នុងលទ្ធផល១ទល់១ប៉ុណ្ណោះក្នុងការប្រកួតវគ្គ១៦ក្រុមចុងក្រោយពានរង្វាន់ UEFA Europa League ខណៈដែល Maguire មិនសប្បាយចិត្តអំពីការខកខានឱកាសរបស់គាត់នោះទេ។
នៅពេលអ្នកកាសែតសួរអំពីការខកខានឱកាសដ៏គួរឱ្យភ្ញាក់ផ្អើលពេលលេងទល់នឹងក្រុម AC Milan Harry Maguire បានប្រាប់ទូរទស្សន៍ BT Sport ថា៖“ មែនហើយខ្ញុំគួរតែរកគ្រាប់បាល់បាន។
"ខ្ញុំមិនបានយកលេសនោះទេ។ ខ្ញុំគួរតែរកគ្រាប់បាល់បាន ខ្ញុំគួរតែដាក់បាល់ចូលសំណាញ់។ តែកុំភ្លេចថា នោះហើយជាមូលហេតុដែលខ្ញុំលេងជាខ្សែការពារ ហើយមិនមែនជាខ្សែប្រយុទ្ធ ប៉ុន្តែខ្ញុំមិនមានលេសទេ។ ខ្ញុំគួរតែស៊ុតឲ្យចូល"។
ពេលនោះប្រសិនបើប្រធានក្រុមរូបនេះមិនធ្វើឲ្យខកខានឱកាសទេនោះ Manchester United អាចឈ្នះការប្រកួតនេះ។ Milan មានឱកាសទម្លាយសំណាញ់ទីចុងម៉ោងបន្ថែមមានរបួស បន្ទាប់ពីAmad Diallo ប្រើក្បាលសម្រេចទីតែមួយគត់ឲ្យបិសាចក្រហម។
Source: BT Sport
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
