Raphael Varane ចង់ចាកចេញពី Real Madridក្នុងរដូវក្ដៅនេះ
ក្រុមស្ដេចស Real Madrid ត្រូវបានគេនិយាយថាកំពុងស្វះស្វែងរកអ្នកជំនួសខ្សែការពារសញ្ជាតិបារាំងរួចហើយ
យោងតាមប្រភពព័ត៌មានអេស្បាញបានឱ្យដឹងថា Raphael Varane បានសំរេចចិត្តចាកចេញពី Real Madrid នៅក្នុងទីផ្សារដោះដូរកីឡាករនាពេលខាងមុខនេះ។
របាយការណ៍បាននិយាយថាកីឡាករវ័យ ២៧ ឆ្នាំរូបនេះចង់ចាកចេញពីក្លិបមិនមែនដោយសារការផ្ដល់លុយច្រើនពីក្លិបដទៃតៀតនោះទេ ប៉ុន្តែចង់បានការប្រកួតប្រជែងថ្មីនៅក្នុងអាជីពរបស់គាត់ បន្ទាប់ពីរយៈពេល ១០ ឆ្នាំជាមួយ Los Blancos ។
ខ្សែការពារកណ្តាលរូបនេះត្រូវបានគេនិយាយថាកំពុងសម្លឹងមើលក្លិបក្នុងក្របខ័ណ្ឌ Premier League ដែលជាទិសដៅបន្ទាប់របស់គាត់ ខណៈក្លិបធំៗមួយចំនួនដូចជា Manchester United, Chelsea, Liverpool...សុទ្ធតែជាជម្រើសរបស់គាត់។ ជាមួយគ្នានេះដែរអនាគតរបស់ Sergio Ramos ក៏មិនច្បាស់លាស់ដែរនៅកីឡដ្ឋាន Bernabue។
យោងតាម Transfermarkt តម្លៃទីផ្សារបច្ចុប្បន្នរបស់ Varane មានដល់ទៅ ៧០ លានផោនជាមួយនឹងកិច្ចសន្យារបស់គាត់នឹងផុតកំណត់នៅឆ្នាំ ២០២២ ។ ចាប់តាំងពីចូលរួមជាមួយ Los Blancos ពី Lens ក្នុងឆ្នាំ ២០១១ ខ្សែការពាររូបនេះបង្ហាញខ្លួនបាន ៣៥២ លើកសម្រាប់ក្លឹបរកបាន ១៧ គ្រាប់៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
