ប្រធានផ្នែកបាល់ទាត់ថ្មីរបស់ Man Utd លោក John Murtough មានតួនាទីអ្វីខ្លះ?
គន្លិះ៖ គាត់នឹងទទួលខុសត្រូវក្នុងការត្រួតពិនិត្យប្រតិបត្តិការទូទៅនៅក្នុងក្រុមឈុតបុរស ក្រុមឈុតនារី និងក្រុមយុវជនថ្នាល
លោក John Murtough ត្រូវបានតែងតាំងជានាយកបាល់ទាត់ដំបូងបង្អស់មិនធ្លាប់មានក្នុងប្រវត្តិសាស្ត្រ Man United ដើម្បីជួយលោក Ole Gunnar Solskjaer ជាមួយនឹងការងាររបស់គាត់នៅក្នុងក្លឹប។
គាត់នឹងធ្វើការយ៉ាងជិតស្និទ្ធជាមួយអ្នកគ្រូបង្វឹកសញ្ជាតិន័រវេស ហើយពីមួយថ្ងៃទៅមួយថ្ងៃ គាត់ត្រូវពិភាក្សាពីការជ្រើសរើសកីឡាករ ដែលមានសក្តានុពល ដើម្បីធានាថាក្រុមមានឈុតកីឡាករល្អបំផុតតាមតែអាចធ្វើទៅបាន ដើម្បីប្រកួតប្រជែងនៅគ្រប់ផ្នែកទាំងអស់។
លោក Murtough ក៏នឹងធ្វើការជាមួយលោក Ole ដើម្បីបង្កើតដំណើរការត្រឹមត្រូវដើម្បីធានាបាននូវជោគជ័យនាពេលអនាគត ហើយក៏អាចថែរក្សាវប្បធម៌ Man United នៅក្នុងក្រុមផងដែរ។
នាយកផ្នែកកីឡាបាល់ទាត់ក៏នឹងមានតួនាទីជាអ្នកដឹកនាំ និងទំនួលខុសត្រូវក្នុងប្រតិបត្តិការទូទៅ និងយុទ្ធសាស្ត្រនានាលើក្រុមឈុតបុរស ឈុតនារី និងក្រុមយុវជនថ្នាល។
ក្រុមការងារ Scout (ក្រុមមើលសមត្ថភាពកីឡាករ) និងក្រុមវិភាគទិន្ន័យរបស់ចក្រក្លិប ក៏នឹងរាយការណ៍ទៅលោក Murtough ផងដែរជាមួយនឹងរបាយការណ៍របស់កីឡាករអំពីគោលដៅអនាគតដែលអាចកើតមានសំរាប់ក្លឹប។
ចំណែកលោក Darren Fletcher ក៏នឹងធ្វើការជាមួយ Murtough ក្នុងនាមជានាយកបច្ចេកទេសនៃក្លិបដែលជាអ្នកមាន“ តួនាទីប្រឹក្សាយោបល់” ដែលគាត់បានផ្តល់នូវបច្ចេកទេស និងទិសដៅឆ្ពោះទៅរកទិដ្ឋភាពបាល់ទាត់របស់ក្លឹប៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
