Steven Gerrard៖ ខ្ញុំដឹងថាអ្នកគាំទ្រ Liverpool មិនចង់បានខ្ញុំធ្វើជាគ្រូបង្វឹកនោះទេ
"អ្នកគាំទ្រ Liverpool មិនចង់អោយខ្ញុំធ្វើជាអ្នកចាត់ការក្លឹបបាល់ទាត់ Liverpool ទេ។ ពួកគេចង់បានលោក Jurgen Klopp ។ ខ្ញុំសង្ឃឹមថាអ្នកដឹងថាយើងស្រលាញ់ Jurgen Klopp ខ្លាំងប៉ុណ្ណា" ។នេះគឺជាសម្ដីរបស់លោក Steven Gerrard បានប្រាប់ ITV អំពីព័ត៌មានចចាមអារ៉ាមដែលថាលោកនឹងមកដឹកនាំក្រុមហង្សក្រហមជំនួសគ្រូបង្វឹកសញ្ជាតិអាល្លឺម៉ង់។
“ យើងមិនគួរនិយាយពីរឿងនេះទេ! យើងមានអ្នកចាត់ការដ៏ល្អម្នាក់ដឹកនាំក្លឹបរបស់យើងនៅនាទីនេះ ខ្ញុំស្រលាញ់គាត់"។
"ខ្ញុំសង្ឃឹមថាគាត់នឹងស្នាក់នៅពីរបីឆ្នាំទៀត។ ប៉ុន្តែខ្ញុំមានការងារនៅទីនេះ(Rangers FC) ខ្ញុំមិនគិតថាវាមានប្រយោជន៍ទេ ក្នុងការនិយាយអំពីរឿងនេះហើយខ្ញុំសង្ឃឹមថា Jurgen នឹងស្នាក់នៅ Liverpool រយៈពេលជាច្រើនឆ្នាំ"។
"Liverpool គឺជាក្លឹបរបស់ខ្ញុំ។ ខ្ញុំមានអនុស្សាវរីយ៍ដ៏អស្ចារ្យនៅទីនោះ។ តើវាជាក្តីសុបិន្តសម្រាប់ខ្ញុំនៅថ្ងៃណាមួយដែលជាអ្នកចាត់ការទូទៅរបស់ Liverpool ? ពិតណាស់!ប៉ុន្តែវាមិនទាន់ដល់ពេលនៅឡើយទេហើយខ្ញុំក៏មិនទាន់មានលទ្ធភាពគ្រប់គ្រាន់នោះដែរ។ មានអ្នកចាត់ការជាច្រើននៅលើភពផែនដីនេះហើយយើងត្រូវគោរព Jurgen ជាមុន និងសំខាន់បំផុត។ "
សម្ដីប៉ុន្មានឃ្លារបស់ Steven Gerrard បានក្លាយជាតន្រ្តីបង្ហើរទៅកាន់ត្រចៀករបស់អ្នកគាំទ្រ Liverpool ហើយ។
លោក Jurgen Klopp បានធ្វើរឿងដែលល្អបំផុតចំពោះក្លឹបនាពេលថ្មីៗនេះ ដោយគ្រូបង្វឹកសញ្ជាតិអាឡឺម៉ង់បានជួយឈ្នះពានរង្វាន់ UEFA Champions League លើកទី ៦ក្នុងប្រវត្តិសាស្រ្ត និងជាជើងឯក Premier League ដំបូងក្រយខកខានក្នុងរយៈពេល ៣០ ឆ្នាំ។
លើសពីនេះ! អត្តចរិកដ៏មានមន្តស្នេហ៍របស់ Klopp ធ្វើឱ្យគាត់ក្លាយជាមនុស្សម្នាក់ដែលល្អបំផុតក្នុងការបន្តកេរ្តិ៍តំណែលរបស់ក្លឹបឈរជើងបាន លើសពីបាល់ទាត់ដែល Gerrard បានបង្ហាញខ្លួនក្នុងកំឡុងពេលលេងជាកីឡាករនៅកីឡដ្ឋាន Anfield ទៅទៀត៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
