Deschamps និយាយអំពី Pogba ៖ ក្នុងជម្រើសជាតិយើងមានតែជំរុញគាត់ថែម តែនៅ United គេធ្វើអ្វីខ្លះដាក់គាត់ ខ្ញុំមិនដឹងទេ
លោក Deschamps ទទួលស្គាល់ថា Pogba ស្ថិតក្នុងទម្រង់លេងមិនល្អកាលពីខែវិច្ឆិកាឆ្នាំមុន។ គ្រូបង្វឹកសញ្ជាតិបារាំងរូបនេះទទូចឱ្យការផ្លាស់ប្តូរមួយចំនួនរបស់ខ្សែបម្រើរូបនេះ ហើយទម្រង់លេងរបស់គាត់ប្រសើរឡើងវិញបន្ទាប់ពីពួកគេបានឈ្នះព័រទុយហ្កាល់។
បច្ចុប្បន្ននេះខ្សែបម្រើរូបនេះកំពុងតែព្យាបាលរបួសដ៏រ៉ាំរ៉ៃហើយគេសង្ឃឹមថាគាត់នឹងឆាប់ជាសះស្បើយដោយសារជម្រើសជាតិ និងក្លិបកំពុងត្រូវការគាត់។
លោក Didier Deschamps បានប្រាប់ beIN Sports ថា៖“ នៅក្នុងខែវិច្ឆិកា Paul [Pogba] កំពុងឆ្លងកាត់ដំណាក់កាលលំបាកជាងនេះទៅទៀតជាមួយក្រុម Manchester United "។
“ ការនៅជាមួយយើង [ក្រុមជម្រើសជាតិបារាំង] បានផ្តល់កម្លាំងចិត្តដល់គាត់ ហើយគាត់មានការប្រកួតដ៏អស្ចារ្យមួយទល់ិងនឹងព័រទុយហ្កាល់"។
ពួកគេដឹងថានៅក្នុងក្រុមជម្រើសជាតិបារាំង ពួកគេស្ថិតក្នុងបរិយាកាសខុសគ្នា។ កីឡាករទាំងអស់អាចឆ្លងកាត់ដំណាក់កាលអាក្រក់នៅឯក្លិបរបស់ពួកគេ ប៉ុន្តែខ្ញុំរក្សានូវទំនុកចិត្តដែលខ្ញុំមានចំពោះពួកគេ។ ពួកយើងតែងជំរុញលើកទឹកចិត្តគាត់ ប៉ុន្តែនៅ United មានរឿងអ្វីកើតឡើងខ្ញុំមិនដឹងនោះទេ"។
នេះមិនមែនជាលើកទី ១ ទេដែលលោក Deschamps បានស្តីបន្ទោសបិសាចក្រហមចំពោះទម្រង់លេងមិនល្អរបស់ Pogba ហើយវាប្រហែលជាមិនមែនជារឿងចុងក្រោយទេ។ ដោយសារតែហេតុដូច្នេះហើយ ទើបមានភាពមិនច្បាស់លាស់អំពីអនាគតរបស់គាត់ ខណៈដែលកុងត្រារបស់ Paul ផុតកំណត់នៅឆ្នាំ២០២២៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
