ទិចនិចងាយៗប្រសើរបំផុតទាំង ៨ ដើម្បីការពារស្បែករបស់អ្នកពីភាពឆាប់ចាស់ ឲ្យសាច់ចាំ!
ទោះបីជាយើងមិនអាចបញ្ឈប់រាងកាយរបស់យើងពីភាពចាស់ក៏ដោយយើងពិតជាអាចធ្វើអ្វីមួយដើម្បីបន្ថយដំណើរការនៃការឆាប់ចាស់ជាងវៃ។ ដំណោះស្រាយក្នុងការប្រយុទ្ធប្រឆាំងនឹងស្នាមជ្រីវជ្រួញនិងមិនចាំបាច់ធ្វើការវះកាត់កែសម្ផស្សទេ មាតាធម្មជាតិគឺពោរពេញទៅដោយអំណោយមន្តអាគមដែលយើងអាចទទួលយកដើម្បីធ្វើឱ្យស្បែករបស់យើងមានភាពស្រស់ថ្លាឡើងវិញ។
យោងតាមគេហទំព័រ Bright Side បានរកឃើញទិចនិចនៃការថែរក្សាងាយៗចំនួន ៨ ដែលអ្នកអាចប្រើដើម្បីប្រឆាំងនឹងដំណើរការឆាប់ចាស់នៃរាងកាយរបស់អ្នកនិងប្រឆាំងនឹងសញ្ញាដែលអាចមើលឃើញនៃភាពចាស់តាមធម្មជាតិ។
1. រួមបញ្ចូលផ្លែប៊ឺរីខៀវនៅក្នុងរបបអាហារប្រចាំថ្ងៃរបស់អ្នក
ផ្លែឈើតូចនេះសំបូរទៅដោយសារធាតុប្រឆាំងអុកស៊ីតកម្មនិងជួយអ្នកប្រឆាំងនឹងសញ្ញានៃភាពចាស់ព្រមទាំងមានរសជាតិឆ្ងាញ់បំផុត។
2. កំណត់ការទទួលទានអាហារមានជាតិស្ករ
ការសិក្សានាពេលថ្មីៗនេះបានរកឃើញថាការទទួលទានជាតិស្ករជួយពន្លឿនដំណើរការឆាប់ចាស់នៅក្នុងរាងកាយមនុស្សនិងនាំឱ្យមានរង្វង់ខ្មៅនៅលើភ្នែក ការខះជាតិទឹក និងស្នាមជ្រួញ។ ដើម្បីប្រយុទ្ធប្រឆាំងនឹងភាពចាស់អ្នកជំនាញបានណែនាំគួរតែដាក់កម្រិតជាតិស្ករហើយចៀសវាងអាហារផ្អែមនិងភេសជ្ជៈតាមដែលអាចធ្វើទៅបាន។
3. ជៀសវាងគេងផ្កាប់មុខ
ប្រសិនបើអ្នកជាមនុស្សដែលចូលចិត្តគេងផ្កាប់មុខ សូមព្យាយាមផ្លាស់ប្តូរទំលាប់របស់អ្នកជាបន្ទាន់។ យោងតាមការសិក្សានិងអ្នកជំនាញផ្សេងៗបានសង្កត់ធ្ងន់ថាការគេងផ្កាប់មុខរបស់អ្នកជាមួយនឹងខ្នើយបណ្តាលឱ្យមានស្នាមជ្រីវជ្រួញដែលអាចនឹងនៅជាមួយអ្នករហូត។ ការព្យាបាលដ៏ល្អបំផុតគឺការការពារ។ បញ្ចប់ទម្លាប់របស់អ្នកហើយគេងថ្ងានៅលើខ្នងដើម្បីជៀសវាងរោគសញ្ញាដំបូងនៃភាពចាស់។
4. រក្សាកម្រិតជាតិកាល់ស្យូមរបស់អ្នកឱ្យបានល្អ។
មនុស្សគ្រប់គ្នាដឹងថាកាល់ស្យូមគឺល្អសម្រាប់ឆ្អឹងរបស់យើងប៉ុន្តែមិនមានមនុស្សជាច្រើនដឹងទេថាវាដើរតួយ៉ាងសំខាន់ក្នុងការការពារយើងពីភាពចាស់មុនអាយុ។ បន្ថែមពីលើសារធាតុចិញ្ចឹមល្អទាំងអស់ដែលមានចំពោះរាងកាយរបស់យើងកម្រិតកាល់ស្យូមគ្រប់គ្រាន់អាចកាត់បន្ថយសញ្ញានៃភាពចាស់និងជួយឱ្យរចនាសម្ព័ន្ធឆ្អឹងរឹងមាំ។
5. ធ្វើឱ្យតែបៃតងក្លាយជាមិត្តល្អបំផុតរបស់អ្នក។
តែបៃតងគឺជាអំណោយដែលជួយរាងកាយអ្នកពីខាងក្នុងនិងខាងក្រៅ។ សំបូរទៅដោយសារធាតុប្រឆាំងអុកស៊ីតកម្ម ភេសជ្ជៈនេះជួសជុលកោសិកាស្បែកនិងធ្វើឱ្យអ្នកមើលទៅក្មេងជាងវ័យ។ វាក៏ជួយបន្ថយភាពក្រហមនិងរលាកលើស្បែករបស់អ្នកផងដែរ ព្រោះវាមានលក្ខណៈប្រឆាំងនឹងការរលាក។
ការទទួលទានតែបៃតងជាប្រចាំនឹងជួយឱ្យស្បែកអ្នករឹងមាំនិងមានសុខភាពល្អ។ អ្នកក៏អាចដាក់ថង់តែបៃតងដែលប្រើរួចនៅលើភ្នែករបស់អ្នករយៈពេលពីរបីនាទីដើម្បីបំបាត់រង្វង់ខ្មៅនិងការហើមភ្នែក។
6. កុំងូតទឹកក្តៅក្នុងរយៈពេលយូរពេក
ដើម្បីថែរក្សាស្បែករបស់អ្នកត្រូវនិយាយលាហើយចំពោះការងូតទឹកក្តៅ ៗ រយៈពេលយូរ។ វាត្រូវបានគេរកឃើញថាការងូតទឹកក្តៅរយៈពេលយូរធ្វើឱ្យស្បែករបស់អ្នកខូចហើយធ្វើឱ្យវាស្ងួត។ មិនត្រឹមតែប៉ុណ្ណោះទេប៉ុន្តែវាក៏នាំឱ្យមានសញ្ញាដែលអាចមើលឃើញនៃភាពចាស់ដូចជាស្នាមជ្រីវជ្រួញនិងខូចស្បែក។ រក្សាពេលវេលាងូតទឹកឱ្យខ្លីនិងទម្លាប់ថែរក្សាស្បែកឱ្យបានយូរ។
7. ការពារស្បែកខ្លួនរបស់អ្នកពីព្រះអាទិត្យ
ព្រះអាទិត្យដើរតួយ៉ាងសំខាន់ក្នុងការពន្លឿនភាពចាស់របស់ស្បែកហើយកាន់តែធ្វើឱ្យអ្នកមានពន្លឺព្រះអាទិត្យកាន់តែច្រើនអ្នកនឹងប្រឈមមុខនឹងហានិភ័យនៃភាពចាស់មុនអាយុ។ ប្រសិនបើអ្នកនៅក្រោមពន្លឺព្រះអាទិត្យកាន់តែយូរធ្វើវានឹងធ្វើឱ្យស្បែករាងកាយរបស់អ្នកឆាប់ចាស់ដោយមិនដឹងខ្លួន។ ការពារខ្លួនអ្នកពីកាំរស្មីយូវីដែលបង្កគ្រោះថ្នាក់ពីព្រះអាទិត្យដោយស្លៀកពាក់ជិតៗខ្លួនឱ្យបានត្រឹមត្រូវ។
8. ធ្វើសមាធិនិងជៀសវាងភាពតានតឹង
ស្ត្រេសច្រើនជម្រុញដល់ដំណើរការចាស់នៃស្បែកលើរាងកាយរបស់អ្នក។ មិនត្រឹមតែប៉ុណ្ណោះការគិតលើសកំរិតនិងការថប់បារម្ភក៏នាំឱ្យមានភាពចាស់មុនអាយុដែរ។ ព្យាយាមមិនឱ្យមានរឿងរំខានអ្នកច្រើនពេក។
ដើម្បីបំបាត់ភាពស្រេសនេះចូរធ្វើសមាធិ។ ការធ្វើសមាធិជួយអ្នកក្នុងការបន្ធូរអារម្មណ៍និងបញ្ចេញអរម៉ូនរីករាយក្នុងខ្លួនដែលធ្វើឱ្យអ្នកមានអារម្មណ៍ធូរស្បើយ។ វាគឺជាមធ្យោបាយមិនអស់ប្រាក់ក្នុងការការពារភាពចាស់។
ប្រែសម្រួល៖ ក្នុងស្រុក | ប្រភព៖ BrightSide
ព័ត៌មានថ្មីៗ
