សូមអបអរដល់ អ្នកស្រី ឌី សាវ៉េត ដែលមានទទួលមេដាយ ឥស្សរយស ពី សាធារណរដ្ឋបារាំង!
ប្រិយមិត្តច្បាស់ជាស្គាល់ លោកស្រី ឌី សាវ៉េត ដែលជាតារាសម្ដែង តាំងពីសម័យសង្គមរាស្រ្ដនិយម ដែលជាតារាសម្ដែងជេីងចាស់សាងកេរ្តិ៍ឈ្មោះតាំងពីជាង 50 ឆ្នាំមុនមកម្លេះ ។
នៅថ្ងៃទី 08 ខែ វិច្ឆិកា 2019 កន្លងមកនេះ លោកស្រី ឌី សាវ៉េត បានទទួលមេដាយឥស្សរយយស ថ្នាក់ អស្សឫទ្ធិផ្នែកសិល្បះ វប្បធម៌ពីរដ្ឋមន្រ្ដីក្រសួងវប្បធម៌នៃប្រទេសបារាំងតាមរយះ លោកស្រីជំទាវ ឯកអគ្គរដ្ឋទូត ប្រទេសបាំរាំងប្រចាំកម្ពុជាផងដែរ ដែលនេះគឺជាមហាកិត្តិយសមួយសម្រាប់លោកស្រីក៏ដូចជាប្រជាជនកម្ពុជាមែនទែន ដែលលោកស្រីគឺជាតារាសម្ដែងដែលមានទេពកោសល្យផ្នែកសិល្បះសម្ដែងនេះដែលទទួលបានប្រជាប្រិយភាពរាប់សិបឆ្នាំណាស់មកហេីយ ។
ជាមួយគ្នានេះដែរក្រុមព្រះសូរិយាដែលជាក្រុមមួយដែល ស្រារជ្រាវ ចម្រៀងនិងភាពយន្តខ្មែរជំនាន់ដេីមក៏ចូលរួមជាកិត្តិយសសម្រាប់លោកស្រីដូចគ្នា នៅឯស្ថានទូតបារាំងកាលពីម្សិលមិញនេះដែរ។
នេះមិនមែនជាលេីកទី 1 ដែលលោកស្រីទទួលមេដាយនោះទេ ពោលគឺលោកស្រីធ្លាប់ទទួលមេដាយនិងរង្វាន់ ដូចជា មេដាយ មុនីសារណភ័ណ្ឌ និង កាក់មាសពី សម្ដេចព្រះមហាក្សត្រីយានី ព្រះសុីសវត្ថិមុនីវង្សកុសុម:នារីរតន៍ សិរីវឌ្ឍនា តាមរយះខ្សែភាពយន្តរឿងស្រលាញ់ ស្អប់ណាស់ រួចមកហេីយ និងជាពិសេសនោះគឺ លោកស្រី ទទួលបានពានរង្វាន់តួឯកស្រី ដ៏ល្អបំផុតនៃកម្ពុជា ពី ព្រះករុណា ព្រះបាទសម្ដេចព្រះនរោត្ដមសីហនុ ព្រះបរមរតនះកោដ្ឋទៀតផង ដែលនេះគឺជាកិត្តិយសដ៏ធំធេងសម្រាប់លោកស្រី ដូចគ្នា ។
ប្រភពព័ត៌មាន និងរូបភាព៖ ក្រុមព្រះសុរិយា
ព័ត៌មានថ្មីៗ
