Vietjet ចេញរបាយការណ៍ពីប្រាក់ចំណូលដ៏រឹងមាំនៅត្រីមាសទី៣ ឆ្នាំ២០២៤ ខណៈពេលបន្តពង្រីកកងនាវាអាកាសចរណ៍ជាមួយនឹងយន្តហោះថ្មីៗ
* ការពង្រីកបណ្តាញរួមមានការបង្កើនប្រេកង់ជើងហោះហើរមកកាន់ប្រទេសកម្ពុជា
ភ្នំពេញ ថ្ងៃទី ១ ខែវិច្ឆិកា ឆ្នាំ ២០២៤ - ក្រុមហ៊ុន Vietjet Aviation Joint Stock Company (HOSE: VJC) បានចេញរបាយការណ៍ពីលទ្ធផលប្រាក់ចំណូលអាជីវកម្មដ៏រឹងមាំសម្រាប់រយៈពេលប្រាំបួនខែដំបូងនៃឆ្នាំ ២០២៤ ដោយពង្រីកបណ្តាញអន្តរជាតិរបស់ខ្លួន ខណៈពេលដែលរក្សាបាននូវប្រតិបត្តិការអាជីវកម្មប្រកបដោយស្ថិរភាពនៅក្នុងប្រទេសវៀតណាម។
សម្រេចបានការផ្តល់សេវាដឹកអ្នកដំណើរចំនួន ២០០ លាននាក់
ក្នុងរយៈពេលប្រាំបួនខែដំបូងនៃឆ្នាំ ២០២៤ ក្រុមហ៊ុន Vietjet បានដឹកជញ្ជូនអ្នកដំណើរជាង ១៩.៦ លាននាក់នៅលើជើងហោះហើរចំនួន ១០៤.000 កើនឡើងជាង ៦% និង ២% ពីមួយឆ្នាំទៅមួយឆ្នាំ។ ក្រុមហ៊ុនអាកាសចរណ៍នេះបានផ្តល់សេវាដល់អ្នកដំណើរអន្តរជាតិជាង ២.៥៤ លាននាក់ ដែលតំណាងឱ្យការកើនឡើង ៩.១% ពីមួយឆ្នាំទៅមួយឆ្នាំ។ ជាមួយនឹងបណ្តាញហោះហើរដ៏ធំទូលាយ និងកំណើនអ្នកដំណើរ Vietjet បានស្វាគមន៍អ្នកដំណើរទី ២០០ លាននាក់របស់ខ្លួននៅក្នុងត្រីមាសទី៣ ឆ្នាំ ២០២៤។
កងនាវាអាកាសចរណ៍របស់ Vietjet មានយន្តហោះចំនួន ៨៥ គ្រឿង ដែលសម្រេចបានអត្រាប្រើប្រាស់កៅអីជាមធ្យម ៨៧% និងអត្រាភាពជឿជាក់ផ្នែកបច្ចេកទេស ៩៩.៧% ។ គិតត្រឹមត្រីមាសទី៣ ឆ្នាំ ២០២៤ ក្រុមហ៊ុន Vietjet បានដំណើរការផ្លូវហោះហើរសរុបចំនួន ១៥៥ ដែលក្នុងនោះមានផ្លូវហោះហើរក្នុងស្រុកចំនួន ៤៣ និងផ្លូវអន្តរជាតិចំនួន ១១២។
ក្រុមហ៊ុនអាកាសចរណ៍ Vietjet បានបើកដំណើរការសេវាហោះហើរផ្ទាល់ថ្មីទៅកាន់ប្រទេសឥណ្ឌា អូស្ត្រាលី ចិន និងឡាវ និងប្រទេសជាច្រើនទៀត ខណៈពេលដែលការបង្កើនប្រេកង់ហោះហើរនៅលើផ្លូវផ្សេងទៀតជាច្រើនទៅកាន់កូរ៉េខាងត្បូង ជប៉ុន ហុងកុង និងជាច្រើនទៀត។ Vietjet ក៏បាននឹងកំពុងផ្តល់ប្រូម៉ូសិនតម្លៃសំបុត្រ សម្រាប់ផ្លូវហោះហើរអន្តរជាតិ ដើម្បីផ្តល់ឱកាសធ្វើដំណើរសម្រាប់អ្នកដំណើរនាចុងឆ្នាំខាងមុខនេះ និងរដូវកាលដែលមានតម្រូវការធ្វើដំណើរច្រើនបំផុតក្នុងឆ្នាំថ្មី។
ជាផ្នែកមួយនៃការបន្តពង្រីកបណ្តាញហោះហើរ ក្រុមហ៊ុន Vietjet ថ្មីៗនេះបានបង្កើនជើងហោះហើរទៅមករវាងប្រទេសវៀតណាម និងកម្ពុជា។ ឥឡូវនេះ ផ្លូវហោះហើរសៀមរាប-ហាណូយ ដំណើរការជារៀងរាល់ថ្ងៃ កើនឡើងពីជើងហោះហើរចំនួនបួនក្នុងមួយសប្តាហ៍ ដោយផ្តល់ជម្រើសកាន់តែច្រើនសម្រាប់អ្នកធ្វើដំណើរពីប្រទេសកម្ពុជាដើម្បីធ្វើដំណើរទៅកាន់រដ្ឋធានីនៃប្រទេសវៀតណាម។
ក្នុងរយៈពេលប្រាំបួនខែដំបូងនៃឆ្នាំ ២០២៤ ក្រុមហ៊ុន Vietjet បានចេញរបាយការណ៍ពីប្រាក់ចំណូលដឹកជញ្ជូនតាមផ្លូវអាកាស និងប្រាក់ចំណូលរួមចំនួន ៥១.៧ ពាន់ពាន់លានដុង (ប្រហែល ២.០៣ ពាន់លានដុល្លារ) និង ៥២.២ ពាន់ពាន់លានដុង (ប្រហែល ២.0៥ ពាន់លានដុល្លារ) រៀងគ្នា កើនឡើង ៣២% និង ១៩% ពីមួយឆ្នាំទៅមួយឆ្នាំ។ ប្រាក់ចំណេញដោយឡែក និងប្រាក់សរុបបញ្ចូលគ្នាក្រោយបង់ពន្ធឈានដល់ ១.១៣ ពាន់ពាន់លានដុង (ប្រហែល ៤៤.៤៨ លានដុល្លារអាមេរិក) និង ១.៤ ពាន់ពាន់លានដុង (ប្រហែល ៥៥.១៦ លានដុល្លារ) ដោយកើនឡើង ៨៨៤% និង ៥៦៤% ពីមួយឆ្នាំទៅមួយឆ្នាំ។
គិតត្រឹមថ្ងៃទី ៣០ ខែកញ្ញា ឆ្នាំ ២០២៤ ទ្រព្យសកម្មសរុបរបស់ក្រុមហ៊ុន Vietjet ឈានដល់ជិត ៩៤ ពាន់ពាន់លានដុង (ប្រហែល ៣.៧ ពាន់លានដុល្លារអាមេរិក) ជាមួយនឹងសមាមាត្របំណុលភាគហ៊ុន ២.២៥ និងសមាមាត្រសាច់ប្រាក់ងាយស្រួល ១.៤។ សមតុល្យសាច់ប្រាក់ ប្រាក់បញ្ញើធនាគារ និងសមមូលសាច់ប្រាក់បានឈានដល់ជិត ៣.៩៩៧ ពាន់លានដុង (ប្រហែល ១៥៨ លានដុល្លារអាមេរិក)។
ឥន្ធនៈបៃតង និងការដាក់ដំណើរការយន្តហោះជាច្រើនទៀត
ក្រុមហ៊ុន Vietjet នាំមុខគេក្នុងការកាត់បន្ថយការបំភាយឧស្ម័ន និងការលើកកម្ពស់ការអភិវឌ្ឍប្រកបដោយចីរភាព (ESG) តាមរយៈការជំរុញការស្រាវជ្រាវ និងការប្រើប្រាស់ប្រេងឥន្ធនៈប្រកបដោយចីរភាព (SAF) ។ ក្រុមហ៊ុនអាកាសចរណ៍ដៃគូជាមួយអ្នកផ្គត់ផ្គង់អន្តរជាតិដ៏ល្បីឈ្មោះ ដើម្បីគាំទ្រ SAF និងសេវាកម្មបច្ចេកទេសសម្រាប់កងនាវាអាកាសចរណ៍ទំនើបរបស់ខ្លួន។
នៅឯពិព័រណ៍យន្តហោះអន្តរជាតិ Farnborough កាលពីខែកក្កដា ក្រុមហ៊ុនអាកាសចរណ៍ Vietjet បានចុះកិច្ចព្រមព្រៀងជាមួយក្រុមហ៊ុន Airbus ដើម្បីទិញយន្តហោះ A330neo ជំនាន់ថ្មីចំនួន ២០ គ្រឿង ដែលមានតួខ្លួនធំទូលាយ ជាមួយនឹងតម្លៃសរុបចំនួន ៧.៤ ពាន់លានដុល្លារអាមេរិក។ Vietjet ក៏បានចុះកិច្ចព្រមព្រៀងជាមួយក្រុមហ៊ុនអាកាសចរណ៍ឈានមុខគេ រួមទាំង Rolls-Royce និង Lufthansa Technik ផងដែរ។
នៅក្នុងខែតុលា ក្រុមហ៊ុនអាកាសចរណ៍ Vietjet បានទទួលយន្តហោះថ្មីចំនួន ៣ ហើយនឹងបន្តដឹកជញ្ជូនយន្តហោះដែលមិនប៉ះពាល់ដល់បរិស្ថានបន្ថែមទៀតនៅក្នុងត្រីមាសទី ៤ ឆ្នាំ ២០២៤ ។
ក្នុងរយៈពេលប៉ុន្មានខែចុងក្រោយនៃឆ្នាំនេះ ក្រុមហ៊ុន Vietjet នឹងបង្កើនប្រតិបត្តិការ ដើម្បីបំពេញតម្រូវការការធ្វើដំណើរថ្ងៃឈប់សម្រាកដែលមានតម្រូវការខ្ពស់បំផុត។ ក្រុមហ៊ុនអាកាសចរណ៍ Vietjet ប្តេជ្ញាធ្វើឱ្យភ្ញៀវធ្វើដំណើរ រាប់លាននាក់ តាមរយៈការពង្រឹងសេវាកម្មហោះហើរនៅលើវេទិកាពាណិជ្ជកម្មអេឡិចត្រូនិករបស់ខ្លួន ដោយផ្តល់អាទិភាពដល់ការច្នៃប្រឌិតឌីជីថលសម្រាប់ភាពងាយស្រួល និងការពេញចិត្តអតិបរមារបស់អ្នកដំណើរ។
###
អំពី ក្រុមហ៊ុន Vietjet
ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុងប្រទេសវៀតណាមប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ត្រួសត្រាយផ្លូវទូទាំងតំបន់ និងជុំវិញពិភពលោកផងដែរ។ ដោយផ្តោតលើការគ្រប់គ្រងតម្លៃ ប្រតិបត្តិការប្រកបដោយប្រសិទ្ធភាពនិងការអនុវត្ត ការប្រើប្រាស់បច្ចេកវិទ្យាចុងក្រោយបំផុតចំពោះសកម្មភាពទាំងអស់ និងឈានមុខគេ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃ និងតម្លៃសមរម្យ ព្រមទាំងសេវាកម្មចម្រុះដើម្បីបំពេញតម្រូវការរបស់អតិថិជន។
ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុនអាកាសចរណ៍ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ខ្ពស់បំផុតសម្រាប់សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផលតែមួយគត់របស់ពិភពលោក airlineratings.com និងបានចុះបញ្ជីជាក្រុមហ៊ុនអាកាសចរណ៍មួយក្នុងចំណោមក្រុមហ៊ុនអាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបានគេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយស្ថាប័នល្បីៗដូចជា Skytrax, CAPA, Airline Ratings និងជាច្រើនទៀត។
ព័ត៌មានបន្ថែមនៅ www.vietjetair.com
ទំនាក់ទំនងប្រព័ន្ធផ្សព្វផ្សាយ៖
QED Agency
លោក មី សុវណ្ណ (Sovann)
អ៊ីមែល៖ [email protected]
លេខទំនាក់ទំនង៖ +855 88 6000 321
Vietjet Air
កញ្ញា កែវ ដួង (Amy)
អ៊ីមែល៖ [email protected]
លេខទំនាក់ទំនង៖ +84 932 775 066
ព័ត៌មានថ្មីៗ
